"შრომა დაგვავიწყდაო ვიტყვით, მაშინ თურქეთში როგორ ვშრომობთ? "- გურიიდან დაბრუნებული ზურა შევარნადძე ემოციურ პოსტს აქვეყნებს
23-07-2019
"შრომა დაგვავიწყდაო ვიტყვით, მაშინ თურქეთში როგორ ვშრომობთ? "- გურიიდან დაბრუნებული ზურა შევარნადძე ემოციურ პოსტს აქვეყნებს
გურიიდან თბილისში დაბრუნებული ცნობილი მებაღე ზურა შევარნადძე სოციალურ ქსელში ემოციურ პოსტს აქვეყნებს:

"გუშინ დავბრუნდი გურიიდან, ცოტა დაზაფრული... აქამდე არასდროს არ მინახავს ამდენი დაუხნავი და დაუთესავი ყანა, დაუმუშავებელი ბახჩა და აბალახებული ეზო. ყველა მეზობელი, ნათესავი, მოკეთე და მოყვარე, ვისაც კი მუშაობა შეუძლია თურქეთშია წასული ჩაის საკრეფად... ისტორიებს, რომელსაც იქედან დაბრუნებული გამოწურული, ენერგია გამოცლილი, დამცირებულები ყვებიან ძნელი მოსასმენია მეტისმეტად.
ჩოხატაურში საკვირაო ბაზარზე ჩემი გურულები არ მომეჩვენა ისეთი ლაღები და გულანთებულები როგორიც სულ მახსოვს.
მობუზული, დაბნეული და გაჩიჩინებულია ყველა და ყველაფერი...ხუმრობენ, ოხუნჯობენ, არც სითბოს აკლებენ ერთმანეთს და არც სიყვარულს, იმედიანად, რიხიანადაცაა ზოგი, მაგრამ ვფიქრობ და ვერ ვხვდები რა მოხდება ასე თუ გაგრძელდა.
არ ვიცნობ არავის ვისაც ვალი არ ააქვს...
გურიაში იმ დროს ვცხოვრობდი როცა თვეობით შუქი არ გვქონდა და არაფერი
სულ არაფერი არ ხდებოდა, მაგრამ არასდროს ნაგომარში, სუფსის ჭალაში "კორიზაის ველზე", "მერეში" დაუთესავი ყანა არ მახსოვს. ოდის წინ მინდორი აბალახებული უსაშველო სირცხვილად ითვლებოდა.. რა ნახა თვალმა, ჭიშკრების და ღობეების სიმაღლეა ალინჯა და ჭიაფერა...
შრომა დაგვავიწყდაო ვიტყვით, მაშინ თურქეთში როგორ ვშრომობთ? არ მგონია, თურქი უშრომელს და მუქთახორას გააჩერებს შინ.
რა ვქნათ, რა გზას დავადგეთ, რა ვიღონოთ? - არაფერზე პასუხი არ მაქვს, მარტო იმას ვხვდები, რომ ასე გაგრძელება არ გამოვა. ეგებ თქვენ გქონდეთ პასუხი..."- წერს ზურა შევარდნაძე

ირმა
24 ივლისი 2019 12:36
შრომა კი არ დაავიწყდათ იმ შრომის ანაზღაურებას რომ ვერ ხედავენ ნუთუ ვერ ხვდებით ბატონო ზურაბ? თუ საქართველოს სინამდვილე სხვაა და იმ ხალხს ეხალისება სხვის მონად ყოფნა?!! ...
nino
24 ივლისი 2019 12:16
gasagebia mec dzalian guli mckdeba chemi sopelic iseti dacarielebulia marto titoorola moxucia darchenili. magram am axalgazrdobisac mesmis simindis moyvanit dges puls ver ishovi saarsebi cyaro xo undat, shen shvils tu unda chacma scavla gartoba imis shvilsac unda dges sxva dro movida meti motxovnileba gachnda adre tu kmakopili iko xalxi imit rac kondat dges sxvanairadaa mshobeli cdilobs araperi moaklos tavis shvils da amitom midian ro ikidan archinon ojaxis cevrebi
ნელი
24 ივლისი 2019 12:05
გვეშველება როცა შრომას ფასი დაედება, მიხედოს ხელისუფლებამ შრომის კოდექსს. ბიზნესი მაგათია-მონებიც მაგათ ჭირდებათ!!!!!!!!!!! შესაბამისად საშველიც არ იქნება კაიხანს!!!!!!!!!!!!!!!!!!!

რედაქტორის რჩევით
როგორ აფასებთ საპენსიო რეფორმას?
თქვენი აზრი მნიშვნელოვანია!
როგორ აფასებთ საპენსიო რეფორმას?