სვანეთში მაშველები სამ ბელარუს ტურისტს ეძებენ
სვანეთში სამ უცხოელ ტურისტს ეძებენ. "ინტერპრესნიუსს" ინფორმაცია საგანგებო სიტუაციების მართვის სამსახურში დაუდასტურეს. მათი ინფორმაციით, 112-ში შეტყობინება შევიდა, რომ ტურისტები თეთნულდზე გაუჩინარდნენ და ისინი ბელარუსები არიან.
"შეტყობინება შემოვიდა, რომ სვანეთში, თეთნულდზე სამი ტურისტი დაიკარგა. ამ დროისთვის სამძებრო სამუშაოები ჩვენს ხელთ არსებული ყველა საშუალებით მიმდინარეობს",-აცხადებენ საგანგებო სიტუაციების მართვის სამსახურში.
მათივე ინფორმაციით, სამივე დაკარგული ტურისტი ქალია. სამძებრო-სამაშველო სამუშაოები სვანეთში ამ დროისთვისაც მიმდინარეობს.
"ინტერპრესნიუსი"