"კალაძის ქორწილში ძვირად ღირებულ მცენარეთა სიუხვე იყო... ბერა ივანიშვილის ქორწილში კი, ნახევარი მილიონი ლარის ღირებულების ყვავილი იყო"
"კალაძის ქორწილში ძვირად ღირებულ მცენარეთა სიუხვე იყო... ბერა ივანიშვილის ქორწილში კი, ნახევარი მილიონი ლარის ღირებულების ყვავილი იყო"
"ყველას უნდა ბედნიერების დღე ორიგინალური იყოს, სიძვირე კი უკვე ჯიბეზეა დამოკიდებული. მაგალითად, ბერა ივანიშვილის ქორწილზე, ყველაფერთან ერთად, ნახევარი მილიონი ლარის ღირებულების ყვავილიც იყო"

ქორწილი ის ერთადერთი დღეა, რომელიც უპირობოდ ემორჩილება კანონს, როცა ბედნიერება აუცილებელია. ამიტომაც ამ დღის გალამაზებას ყველა ცდილობს, მათ შორის ნეფე-პატარძლის მშობლებიც. გამონაკლისების გარდა, სწორედ­ მათი ჯიბეებიდან გადის ასტრონომიული საქორწილო თანხები. სამაგიეროდ, ქორწილში ფინანსების განკარგვის წესს პატარძალი ადგენს, მათ შორის, ცხადია, უზომოდ შეყვარებული ნეფეც. თუმცა ამჯერად არა ქორწილის
ხარჯებზე, არამედ ისეთ "დეტალზე" ვისაუბრებთ, როგ­ო­რიც ქორწილის დიზაინი - გაფორმებაა და რომელიც სინამდვილეში მთელი­ ქორწილის ბედს იმდენად წყვეტს, რომ მამაპაპური ჭამა-სმის პოპულარობასაც გაუსწრო. სამაგიეროდ, სწორედ ის ამახსოვრდება ნეფე-პატარძალს (არა მარტო!)­ მთელი სიცოცხლე. ასე რომ, ლამაზი საქორწილო დიზაინის შესაქმნელად დღეს ერთმანეთს მრავალი კომპანია უწევს კონკურენციას. საქმე
იქამდეა, რომ ქორწილის დიზაინერები საქორწილო ფესტივალებსაც მართავენ. ბევრი წყვილიც სწორედ ამ ფესტივალებზე გადაწყვეტს, თავისი ქორწილის გალამაზება ვის მიანდონ. თუმცა სილამაზეზე ყველას თავისი წარმოდგენა აქვს და თუ როგორი, საქორწილო დიზაინერ ლალა კარსანიძისგან შევიტყობთ.

- ლალა, ბოლო წლებში ისე ჩანდა, რომ გრანდიოზული ქორწილები მოდიდან გადადიოდა და მათ ნაცვლად წყვილები მოგზაურობას ან სულაც ბუნებაში გასვლას არჩევდნენ, ამასობაში კი საქორწილო დიზაინერთა კომპანიები მრავლდება და მრავლდება, ანუ მასშტაბური ქორწილები მოდას უბრუნდება?
- საქორწილო ბაზარზე დიზაინერთა­ მოთხოვნა რომ აღარ იყოს, კომპანიებიც არ შეიქმნებოდა, თანაც მათ შორის სერიოზული კონკურენციაა. საქორწილო ცერემონიის დიზაინისთვის უამრავი წყვ­ილი მოგვმართავს. სადედამთილოები და სასიდედროებიც სულ უფრო ნაკლებად ცდილობენ დიზაინის დაგეგმვაში ჩარევას. მაინც ყველაფერს პატარძლები წყვეტენ - ბუნებაში საქორწილო თაღის დადგმას თუ დარბაზის გალამაზებას.
საქორწილო დიზაინზე მოთხოვნის გაზრდის მიზეზი, ალბათ, იმ აზრამდე მისვლაც არის, რომ მხოლოდ უზომო ჭამა­-სმის გარდა, მოსაგონებელი აღარაფერი რჩება. უფრო მეტი სილამაზე, თუნდაც ექსტრიმია საჭირო, რომ საკუთარი ქორწილი მთელი სიცოცხლე გახსოვდეს!



- არა მგონია, ქართულ ქორწილებში ჭამა-სმას ოდესმე გაუვიდეს ყავლი. უბრალოდ,­ თანამედროვე დიზაინის ხიბლი იმაშიც არის, რომ უზომო ქართულ ხორაგს ოსტატურად "ფუთავს".
- ამაში გეთანხმებით. ბევრი საქორწილო რიტუალი დიზაინით საუკეთ­ესოდ იხვეწება, მაგალითად, ღია ცის ქვეშ თაღების დადგმა და ქორწილებზე ყვავი­ლთა ცვენა, ძირითადად, დიზაინერების დამსახურებაა. უცხოეთიდან საუკეთესო დეტალების გადმოტანამ ქართული ქორწილები ძალიან გაალამაზა.

ამ დღეებში ოკუპირებულ აფხაზეთში ქორწილზე შემწვარი თხების ფოტომ სოციალური ქსელი წალეკა და თავად აფხაზებიც დასცინოდნენ, რაღა დროს შემწ­ვარი თხებიაო! მაგრამ ისიც ხომ ვიცით, ამას რა მოჰყვა, ამ ხალხს ფიზიკური შეურაცხყოფა მიაყენეს, რას ჰქვია, ამ საქორწილო ტრადიციას იწუნებთო! ჩანს, ოკუპირებული ტერიტორიების­ ქორწილებში კიდევ დიდხანს იქნება სეფები და გატყავებული საქორწილო "სამშვენისები".

- სხვათა შორის, უფროს თაობას ენატრება - სეფაში გადახდილი ქორწილი უფრო "თბილი" იყო, ბავშვები დახტოდნენ, უფროსები კი უფრო კარგად ეფერებოდნენ ერთმანეთსო, მიუხედავად იმისა, ზოგჯერ წვიმაც ჩამოდიოდაო.
- კიდევ კარგი, ჩვენს ქორწილებში წვიმა და თოვლი აღარ ჩამოდის, ზოგიერთი კი იმდენად ლამაზია, რომ ხელოვნების ნიმუშს მოგაგონებთ - ღია ცის ქვეშ თაღებით დაწყებული, ნეფე-პატარძლის სუფრის ჩათვლით. ზოგჯერ მხოლოდ თაღებზე რამდენიმე ათასი ლარი იხარჯება. განსაკუთრებით, ზამთრის ქორწილებისთვის ძვირად ღირებულ ჰოლანდიურ ყვავილებს ვყიდულობთ, გაზაფხულზე კი ქართულ სურნელოვან ვარდებს ვიყენებთ, სხვა დროს, ძირითადად, სათბურის ყვავილები გვაქვს.

- საშუალოდ, რა თანხას მოითხოვს ქორწილის დიზაინი? კერძებსაც ხომ ასტრო­ნომიული ფასები აქვს!
- გააჩნია, ზოგიერთი მხოლოდ ნეფე-დედოფლის სუფრის გაფორმებას გვიკვეთს, რისი ფასიც 100 ლარიდან იწყება და 2000-3000 ლარზე ადის. მთელი ქორწილის დიზაინის თანხა 6000-7000 ლარიც ჯდება.

- რა ქმნის ასეთ ძვირად ღირებულ დიზაინს?
- უცხოეთიდან გამოწერილი ეგზოტი­კური მცენარეები თუ სხვა ძვირად ღირე­ბული ატრიბუტები. ბევრი პატარძალი ცდილობს, რომ ქორწილი ორიგინალური­ ყვავილებით დაამშვენოს, ისეთით, რომელიც ბაზარზე არ არის. ყვავილების გარდა, ისეთი შეკვეთებიც გაქვს, ხშირად ჩვენც კი გვიკვირს - ზოგჯერ ნეფე-დედოფალი ხელის მოწერის დასამშვენებლად დამტვრეულ ავეჯს, ყუთებს, ხის კასრებს, ლითონის კარკასებსა და ასეთ რაღაცებს ითხოვს. ხშირად ქორწილის გასაფორმებლად სხვადასხვა ძვირად ღირებულ ქსოვილს ირჩევენ.



- ქსოვილი, ალბათ, უფრო აღმოსავლური ქორწილების მშვენებაა.
- სულაც არა. გააჩნია, ვის რა გემოვნება აქვს. ამჟამად ქართული ხმლებითა და ჩოხებით საქართველოში უკვე უცხოელებიც იხდიან ქორწილს.

- ყველაზე უცნაური შეკვეთა თუ გქონიათ?
- ხელის მოწერის ცერემონიალისთვის ღია ცის ქვეშ, ალბათ, ორასწლოვანი­ ძველი სახლის ფიცრებისგან კედელი ავაგეთ, თანაც ზედ არანაირი ატრიბუტიკა არ დაგვამაგრებინეს. ფიცრები ძლივს ვიშოვეთ ზემო იმერეთში, ერთს ძველი ხის სახლი დაეშალა და მისგან ვიყიდეთ.

- ესე იგი, ამ ხალხს "პირველყოფილი" სიმყუდროვის დეფიციტი ჰქონია.
- წყვილი 20 წლის იყო და ეს, ტრადიციულად, პატარძლის სურვილი იყო. ტრანსპორტირების ჩათვლით კედლის მოწყობა 2000 ლარი დაჯდა, რაშიც კედლის მოშლის ხარჯებიც შედიოდა. აბა, კოჯრის ტრიალ მინდორზე ხომ არ დავტოვებდით? საქორწილო თაღები თუ მსგავსი კედლები, ფასის მიუხედავად, ძალიან მალე ქრება. ის ხომ წყვილებს სულ რამდენიმე წუთისთვის ან თუნდაც საათებისთვის სჭირდებათ.

ბევრ წყვილს აღარ მოსწონს ტრადიციული ხელის მოწერა. ყველას უნდა ბედნიერების დღე ორიგინალური იყოს, სიძვირე კი უკვე ჯიბეზეა დამოკიდებული. მაგალითად, ბერა ივანიშვილის ქორწილზე, ყველაფერთან ერთად, ნახევარი მილიონი ლარის ღირებულების ყვავილიც იყო. ამას ცხადია, ყველა ვერ შეძლებს.

- ძვირად ღირებული მცენარეები­ 2019 წლის ქორწილებშიც იყო, მაგალითად, კახა კალაძისა და ანუკი არეშიძის­ ქორწილში,­ რომელიც საუკეთესო დიზაინერებმა მოაწყვეს. თუმცა "ჩასაფრებული" ხალხი ამბობდა, საქორწილო სუფრაზე მცენარეების "გაზონი"­ იყო, რის გამოც სტუმრები ერთმანეთს ვერ ხედავდნენო.
- ქალაქის მერის ქორწილზე ნამდვილად იყო ძვირად ღირებულ მცენარეთა სიუხვე. ბერა ივანიშვილის ქორწილიც არ ყოფილა პომპეზური, მხოლოდ შეუფასებელი ღირებულების ყვავილებით იყო გაფორმებული. ლამაზი დიზაინი ჰქონდა ნოე სულაბერიძისა და ჯანეტ ქერდიყოშვილის ქორწილსაც.

2019 წლის ცნობილთა ქორწილებში ისეთი "მოკრძალებული დიზაინიც" არსებობდა, როგორიც ცნობილი რეჟისორის, ლევან წულაძის ერთადერთი ქალიშვილის, თინათინ წულაძისა და გიორგი კოტეტიშვილის ქორწილი იყო - მათ ზღვის სანაპიროზე, კვარიათში მოაწერეს ხელი.
ლია
05 დეკემბერი 2019 10:50
ვისაც აქვს საშუალება უნდა გააკეთოს თავის საშუალების და გემოვნების მიხედვით, მაგრამ მერე სხვებიც იწყებენ მიმსგავსებულის გაკეთებას და ოჯახი 2-3 წელი იხდის კრედიტს. მე როცა გავთხოვდი საბჭოთა დროს, გოგო თუ გათხოვდებოდა კითხულობდნენ ბრილიანტი თუ აჩუქესო,სხვანაირად ცუდად გათხოვებულად ითვლებოდა და ხანდახან ცოლები ნაქირავებში მიყავდათ, მაგრამ ბრილიანტის ბეჭედს მაინც ყიდულობდნენ (სხვაზე ნაკლები რითი ვართო). კარგი გემოვნებით შეიძლებ დაბალბიუჯეტიანი,ლამაზი ქორწილის გადახდა მაგალითად გვირილებით იებით და ა.შ.
medi medi
24 ნოემბერი 2019 20:04
როცა აქვტ სასჰუალება რატომ უნდა მოიკლონ ეს ბედნიერება ან ვისი რასაქმეა რამდენი დახარჯეს ტავიანტ ბედნიერდგეზე ?სხვა მილიონერებს ტუ უკონტროლებტ ან ნაცებს რას ხარჯავდნენ ან ახლაც რას ხარჯავენ ტავიანტ ქორწილებჰი?გმერტმა ორივე წყვილი ბედნიერი ამყოფოს არავისტვის მოუპარიატ
21 ნოემბერი 2019 13:34
მარტო თქვენი ბედნიერებით საქართველო ვერ გაბრწყინდება საქართველოზეც იფიქრეთ

რუბრიკის სხვა სიახლეები
09-12-2019
გაზეთის სტატია. მიიღეთ წვდომა
საერთო ჯამში როგორ შეაფასებთ 2019 წელს საქართველოსთვის?
თქვენი აზრი მნიშვნელოვანია!
საერთო ჯამში როგორ შეაფასებთ 2019 წელს საქართველოსთვის?