"არაფერი დამიშავებია, ახლაც საქართველოში ვარო! აფერუმ, ძმაო, შენ კაცობას!" - კვირის პალიტრა

"არაფერი დამიშავებია, ახლაც საქართველოში ვარო! აფერუმ, ძმაო, შენ კაცობას!"

აკადემიკოსი, ვახტანგ ბოჭორიშვილის სახელობის კლინიკის გენერალური დირექტორი, დავით გადელია სოციალურ ქსელში ოკუპირებულ ახალგორში დაკავებულ ქართველ ექიმ-ტრავმატოლოგ ვაჟა გაფრინდაშვილზე წერს.

შეგახსენებთ, რომ ახალგორში დაკავებულ ექიმ ტრავმატოლოგ, ვაჟა გაფრინდაშვილს 2-თვიანი პატიმრობა შეუფარდეს. საქმეში ჩათულია წითელი ჯვარი, სახელმწიფო უსაფრთხოების სამსახური და ევროკავშირის სადამკვირვებლო მისია, სხვა დეტალები ამ დრომდე უცნობია. მას დე ფაქტო სამართალდამცველები ე.წ. საზღვრის წინასწარგანზრახვით გადაკვეთას ედავებიან.

"ის კი არ მიკვირს, რომ ვაჟა გაფრინდაშვილს, სრულიად ფხიზელს, პირადყოფიერი დიდი პრობლემების არმქონეს, ამოასხა ერთ დღეს და ეს ნაბიჯი გადადგა; ის უფრო მიკვირს, რომ არცერთ ქართველს, ჩემი ჩათვლით, თუნდაც სიმთვრალეში და თუნდაც რაღაც სულ სხვა ამბავზე გაბრაზებულს, იგივე ნაბიჯი პიროვნულად თავში არ მოსვლია!! ... ნუ, საზღვრის აქედან მასხრულ-მასობრივ პერფომანსებს სერიოზულად არც განვიხილავ! არც სასამართლოზე აღიარა, რომ ეს მისი მხრიდან "დანაშაული" იყო - თავადაც უნდოდათ გამოშვება, მაგრამ ვაჟამ, - "არაფერი დამიშავებია, ახლაც საქართველოში ვარო!" აფერუმ, ძმაო, შენ კაცობას!", - წერს "ფეისბუკში" დავით გადელია. (წყარო)

იხილეთ ასევე: "მაკავებენ საოკუპაციო ხაზზეო და გაითიშა ტელეფონი"