"ოცნება" ნებისმიერ ლიდერს შეიყვანს კაბინეტში და "ნაშასავით დაკერავს"
"ოცნება" ნებისმიერ ლიდერს შეიყვანს კაბინეტში და "ნაშასავით დაკერავს"
"ყველაზე დიდი საფრთხე რაში მდგომარეობს, იცით? "ნაციონალურ მოძრაობას" "ქართული ოცნების" ხელისუფლებიდან წასვლა არ აწყობს..."

დავით გოგიშვილი პროფესიით ისტორიკოსია, ფართო საზოგადოებამ კი ის იუმორისტული შოუებიდან გაიცნო. ახლა ემიგრანტია. 3 წელია, საქართველოში აღარ ცხოვრობს, მაგრამ მიმდინარე პოლიტიკურ მოვლენებს თვალს ყოველთვის აქტიურად ადევნებს. სამშობლოში რამდენიმე დღით ახლახან დაბრუნდა და ვთხოვეთ, მიმდინარე მოვლენებზე საკუთარი თვალსაზრისი გაეზიარებინა.

გთავაზობთ ამონარიდებს ინტერვიუდან, რომელიც ჟურნალში "გზა" გამოქვეყნდა:

"მმართველი პოლიტიკური ძალა ბევრად უფრო ლიბერალური ფასეულობების მატარებელი აღმოჩნდა, ვიდრე მისი
წინამორბედნი იყვნენ, მაგრამ ქართულ ჩოხაში "შეფუთული". "ნაციონალები" თავიანთ მიმართულებას არ მალავდნენ, გვეუბნებოდნენ, ჩვენ ასეთები ვართო. ესენი კი "კარგ ტიპებს" თამაშობენ და ამ თვალსაზრისით, გაცილებით საშიშნი არიან... ის, რაც დღეს ქართულ მართლმადიდებლურ ეკლესიაში ხდება, არც ჯალალ-ედ დინს, არც თემურ ლენგს, არც შაჰ-აბასს გაუბედავს. ლაფში ამოსვარეს ორიათასწლოვანი
ტრადიციების, ისტორიისა და კულტურის მქონე ეკლესია..."

"მაჟორიტარობა (რომლის სახეა ჰალსტუხის ნასკვზე დადებული ღაბაბი, ნახევარი რაიონი გაყიდული რომ აქვს, პარლამენტში ნაყიდი მანდატით რომ ზის და თავის ბიზნესს ლობირებს) წარსულს უნდა ჩავაბაროთ, მაგრამ აქ საქმე სხვა რამეა. ნახეთ, დღეს ერთმანეთის გვერდით როგორი ხალხი დგას. ეგენი ერთად ვერ "მოძოვენ", ეს დროებითი მოვლენაა, ისინი ივანიშვილმა შეადუღაბა. ყველაზე დიდი საფრთხე რაში მდგომარეობს, იცით? "ნაციონალურ მოძრაობას" "ქართული ოცნების" ხელისუფლებიდან წასვლა არ აწყობს..."

"ჩემი აზრით, "ნაციონალურ მოძრაობასთან" გარიგება, სალომე ზურაბიშვილის ინაუგურაციის არჩაშლის სანაცვლოდაც მოხდა. "ნაციონალების" ლიდერების 80%-ს ჯიბეში "ქართუ ბანკის" ბარათები აქვთ. ქართულ პოლიტიკაში, ამ ბანკიდან თანხის ჩარიცხვის მაუწყებელი მესიჯის სინდრომია..."

"ივანიშვილი ყველაზე მეტად საფრთხეს ვისგანაც გრძნობს, მას არჩევნები ორჯერ გაუყალბა და პარლამენტში არ შეუშვა, - ეს არის ნინო ბურჯანაძე. ისე არ გამიგოთ, რომ ამ ადამიანზე მზე და მთვარე ამომდის. გინდა თუ არა, ქართულ პოლიტიკურ ბაზარზე სხვა მოთამაშე არ არსებობს. ქართული პოლიტიკური ბაზარი ჩვეულებრივი "სექენდ ჰენდია" მეორადი პოლიტიკოსებით, ახლა სწორ ხაზში რომ ჩაწყობილან..."

"გიორგი გახარია უნივერსიტეტში ისტორიის ფაკულტეტზე, ჩემზე ერთი წლით წინ სწავლობდა. ეს ის პერიოდი იყო, უნივერსიტეტი ბაკალავრიატის 5-წლიანი სწავლებიდან 4-იანზე რომ გადავიდა. გიორგის კურსი 5-წლიანის ბოლო გამოშვება იყო, ჩემი - 4-წლიანის პირველი გამოშვება და ამის გამო, მე და გიორგი სამხედრო კათედრაზე ერთად დავდიოდით..."

ინტერვიუს სრულად ჟურნალ "გზის" 21 ნოემბრის ნომერში წაიკითხავთ.

თამუნა კვინიკაძე

გიორგი
22 ნოემბერი 2019 04:00
თემურ გენაცვალე! აბსოლიტურად გეთანხმები. დღეს ნინო ლიდერია. მაგრამ არ დაგვავიწყდეს, რომ უძაღლო ქვეყანაში, კატებს, რომ აყეფებენ.
ჰოპლა
21 ნოემბერი 2019 21:07
კაცო ეს ის არ არის ჩიყვი თუ ნიყვი,რომ ერქვა და მაიმუნობდა?
გურული NEWS !
21 ნოემბერი 2019 21:06
არა ძმაო ამათი მთავრობაში მოსვლა იქნებოდა!!!!!!

რუბრიკის სხვა სიახლეები
09-12-2019
გაზეთის სტატია. მიიღეთ წვდომა
საერთო ჯამში როგორ შეაფასებთ 2019 წელს საქართველოსთვის?
თქვენი აზრი მნიშვნელოვანია!
საერთო ჯამში როგორ შეაფასებთ 2019 წელს საქართველოსთვის?