კორონავირუსი
ჯანდაცვის მინისტრი: "თუ კორონავირუსით დაავადებულების მიღების ვალდებულება გაგვიჩნდა, მზად ვართ მივიღოთ"
ჯანდაცვის მინისტრი: "თუ კორონავირუსით დაავადებულების მიღების ვალდებულება გაგვიჩნდა, მზად ვართ მივიღოთ"
თუ კორონავირუსით დაავადებულების მიღების ვალდებულება გაგვიჩნდა, ჩვენ მზად ვართ მივიღოთ - შეგვიძლია ამ მოქალაქეების იზოლირება და შესაბამისი პროტოკოლით მართვა, - ამის შესახებ ჯანდაცვის მინისტრმა, ეკატერინა ტიკარაძემ განაცხადა.

მისი განმარტებით, სახელმწიფო და პერსონალი მზად არის კორონავირუსის მართვისთვის.

რაც შეეხება ვაქცინებს, მისი თქმით, ვაქცინა მსოფლიოში და შესაბამისად, არც საქართველოში არ არსებობს.

"ჩვენ მზად ვართ, მივიღოთ, თუ ასეთის მიღების ვალდებულება გაგვიჩნდა. ჩვენ შეგვიძლია ამ მოქალაქეების იზოლირება
და შესაბამისი პროტოკოლით მართვა, ვინაიდან ჩვენი პერსონალიც და ასევე სახელმწიფოც მზად არის ამ დაავადების მართვისთვის. სახელმწიფომ დამატებით, ერთი კვირის მანძილზე მოახდინა სრული აღწერა საქართველოს მასშტაბით ყველა იმ ბოქსირებული პალატის, რომელიც ქვეყანაში დღემდე იყო რეგისტრირებული. შესაბამისად, მოხდა მათი ხარისხობრივი გადახედვა, ჩვენ გავამკაცრეთ რეგულაციები ამ კუთხითაც და ამ ეტაპისთვის გამოყოფილი გვაქვს თბილისის ინფექციური საავადმყოფო.

რაც შეეხება ვაქცინას, ვაქცინა კორონავირუსთან მიმართებაში არ არსებობს მსოფლიოში, შესაბამისად, რა თქმა უნდა, საქართველოშიც ეს ვაქცინა არ გაგვაჩნია. არსებობს მსოფლიო ჯანდაცვის ორგანიზაციის პროტოკოლი და ამ პროტოკოლის მიხედვით მოხდება ამ დაავადების მართვა", - განაცხადა ტიკარაძემ.

"ინტერპრესნიუსი"

ელგუჯა
01 თებერვალი 2020 08:22
ჯანდაცვის მაღალი თანამდებობის ჩინოვნიკებს: როგორ უნდა დაადგინოთ კორონავირუსის არსებობა ადამიანის ორგანიზმში? ისევ გერმანიაში უნდა აგზავნოთ ანალიზები? რატომ ვერ მოახერხეთ აქამდე იგივე აპარატურის შეძენა, რაც გერმანელებს და სხვა ჩამოყალიბებულ ქვეყნებს აქვთ? როგორ უნდა მოახდინოთ რაღაც პროტოკოლებით ამ დაავადების მართვა, როცა ვერ ახერხებთ მის გამოვლენას? თუ ისევ მხოლოდ ღმერთის იმედად უნდა ვიყოთ, თქვენ რა ნამუსით იღებთ ხელფასს?

რუბრიკის სხვა სიახლეები
იცავთ თუ არა ზედმიწევნით სპეციალისტების მიერ კორონავირუსის წინააღმდეგ შემუშავებულ რეკომენდაციებს?
თქვენი აზრი მნიშვნელოვანია!
იცავთ თუ არა ზედმიწევნით სპეციალისტების მიერ კორონავირუსის წინააღმდეგ შემუშავებულ რეკომენდაციებს?