"კორონავირუსის საეჭვო ნიშნები არ აღმენიშნება" - რას ამბობს თვითიზოლაციაში მყოფი ბათუმის ინფექციურის დირექტორი?
"კორონავირუსის საეჭვო ნიშნები არ აღმენიშნება" - რას ამბობს თვითიზოლაციაში მყოფი ბათუმის ინფექციურის დირექტორი?
კორონავირუსის საეჭვო ნიშნები არ აღმენიშნება, თავს კარგად ვგრძნობ, - ამის შესახებ ბათუმის ინფექციური საავადმყოფოს დირექტორმა ციური აბულაძემ "ინტერპრესნიუსთან" სატელეფონო საუბრისას განაცხადა, რომელიც თვითიზოლაციაში იმყოფება.

ციური აბულაძე ამბობს, რომ გერმანიაში სამი კვირის განმავლობაში იმყოფებოდა და 14 მარტს საქართველოში დაბრუნდა.

"თვითიზოლაციაში ვარ. 21 თებერვალს, ჯერ კიდევ კორონავირუსი არ იყო დადასტურებული არც გერმანიასა და არც საქართველოში - შვებულება ავიღე და ჩემს შვილთან წავედი, რომელიც ცხოვრობს და მუშაობს გერმანიის ქალაქ ბრემენში.

იქ სამი კვირის
განმავლობაში ვიმყოფებოდი. 14 მარტს მიუნხენის გავლით თბილისში ჩამოვედი. თვითიზოლაციას ვექვემდებარები, რადგან ამის პირობები მქონდა. ნათესავმა დამითმო ფართი და ვიმყოფები ცალკე, თვითიზოლაციაში. შაბათს დასრულდება 14 - დღიანი ვადა და ორშაბათიდან სამსახურში შეგიძლიათ მიხილოთ. საეჭვო არაფერია, მედიკოსების მხრიდან მუდმივ მეთვალყურეობის ქვეშ ვარ",- განაცხადა ციური აბულაძემ.


მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები