"იმდენად უკეთესად იყო სასუნთქი აპარატიდან მოვხსენით" - რას ჰყვება 62 წლის პაციენტზე ექიმი?
თბილისის სახელწიფო სამედიცინო უნივერსიტეტის პირველ საუნივერსიტეტო კლინიკაში მყოფი, კორონავირუსით ინფიცირებული 62 წლის პაციენტის მდგომარეობა მნიშვნელოვნად გაუმჯობესდა. როგორც "ინტერპრესნიუსს" თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკურმა დირექტორმა, ლალი ტურძელაძემ განუცხადა, 62 წლის ქალი სასუნთქი აპარატიდან მოხსნეს.
"პაციენტი უკეთესადაა, იმდენად უკეთესად იყო სასუნთქი აპარატიდან მოვხსენით",-აცხადებს ლალი ტურძელაძე.
მისივე ინფორმაციით, კლინიკა უკვე დატოვა ერთმა გამოჯანმრთელებულმა პაციენტმა და კიდევ ორი პაციენტის პასუხს ელოდებიან, რომლებიც, შესაძლოა, გამოჯანმრთელდნენ.
"ინტერპრესნიუსი"