"გამოგვეკიდა მე და ჩემს შვილს დიდ ტარიანი საგნით"- რას ჰყვება ნიკოლოზ ბასილაშვილის მეუღლე - კვირის პალიტრა

"გამოგვეკიდა მე და ჩემს შვილს დიდ ტარიანი საგნით"- რას ჰყვება ნიკოლოზ ბასილაშვილის მეუღლე

ქვეყნის ნომერ პირველი ჩოგბურთელი ნიკოლოზ ბასილაშვილი დაკავეს. სპორტსმენს ყოფილ ყოფილ ცოლზე ძალადობა ედება ბრალად.

თბილისის საქალაქო სასამართლომ ყოფილი მეუღლის მიმართ ძალადობის ბრალდებით დაკავებულ ჩოგბურთელს, ნიკოლოზ ბასილაშვილს აღკვეთის ღონისძიების სახედ გირაო,პატიმრობის უზრუნველყოფით შეუფარდა. სასამართლომ აღკვეთის ღონისძიების შეფარდებაზე დაცვის მხარის შუამდგომლობა დააკმაყოფილა. ბასილაშვილი 100 000 ლარის ოდენობით გირაოს სანაცვლოდ გათავისუფლდება. სპორტსმენმა  გირაოს თანხა უკვე გადაიხადა, თუმცა ბრალს არ აღიარებს. სისხლის სამართლის საქმეზე გამოძიება გრძელდება.

"რუსთავი 2" -  თან კომენტარი გააკეთა ნიკოლოზ ბასილაშვილის მეუღლემ, ნეკა დოროყაშვილმა. ის ურყოფს, გავრცელებულ აზრს იმის შესახებ, რომ დავა ქონებრივ დაპირისპირებას მოჰყვა:

"არანაირ კავშირში არ ყოფილა ამ ინციდენტთან ქონებრივი დავა. ჩვენ დასრულებული გვქონდა ქონებრივი დავის საკითხი დიდი ხნის წინ, მოლაპარაკების გზით, თან თვითონ აწყობდათ ეს მოლაპარაკება. ბავშვს მივაკითხე წამოსაყვანად, უბრალოდ მივაკითხე ჩემს შვილს წამოსაყვანად, ფიზიკურად გამისწორდა არასრულწლოვანის თანდასწრებით, ექსპერტიზა ჩამიტარდა და  ამ დრომდე მიმდინარეობს. არ ველოდი რომ გირაოს სანაცვლოდ გათავისუფლდებოდა. ჩემს შვილს რომ მივაკითხე, არ ვიცი რა მოუვიდა, მთვრალი იყო თუ რა ჭირდა, გამოგვეკიდა მე და ჩემს შვილს იარაღით, თვითონ ამბობს, რომ ეს იყო გიტარა თუ რაღაც, მე ვერ ვადასტურებ რა იყო, რაღაც დიდ ტარიანი იყო, მე მეგონა ნაჯახი, არც მახსოვს იმდენად ვიყავი აფექტში, ბავშვი მეჭირა ხელში და გამოვიქეცი, ერთი ის მახსოვს, რომ მანქნანაში ჩავჯექი, მამა გამომეკიდა რაღაც დიდ ტარიანი საგნით" - განაცხადა ნეკა დოროკაშვილმა.