"ნელი დოროყაშვილი ასევე უსაფუძვლოდ უჩიოდა ნიკოლოზ ბასილაშვილის დედას" - რას აცხადებს ბასილაშვილის ოჯახი?
24-05-2020
"ნელი დოროყაშვილი ასევე უსაფუძვლოდ უჩიოდა ნიკოლოზ ბასილაშვილის დედას" - რას აცხადებს ბასილაშვილის ოჯახი?
ფოტო:მამა-შვილი: ნოდარ და ნიკოლოზ ბასილაშვილები
ნიკოლოზ ბასილაშვილის ოჯახი განცხადებას ავრცელებს. განცხადებაში, რომელიც "ინტერპრესნიუსს" ოჯახმა მიაწოდა, აღნიშნულია, რომ ინფორმაცია ძალადობის შესახებ არ შეესაბამება სიმართლეს და ამ ფაქტის დამადასტურებელი არანაირი მტკიცებულება არ არსებობს.

მათივე ინფორმაციით, ეს არ არის პირველი შემთხვევა როცა, ბასილაშვილის ყოფილი მეუღლე ცდილობს ნიკოლოზს და მის ოჯახს მორალური, ფინანსური თუ რეპუტაციული ზიანი მიაყენოს.


"გვსურს, გამოვეხმაუროთ იმ ბრალდებებს, რომლებიც დღეს ნიკოლოზის და ჩვენი ოჯახის მისამართით გაჟღერდა.

პირველ რიგში, გვინდა, გულშემატკივრებს ბოდიში მოვუხადოთ იმ ცრუ ბრალდებების გამო,
რაც ნიკოლოზის და ჩვენი ოჯახის მისამართით ისმის. სრული პასუხისმგებლობით ვაცხადებთ, რომ ინფორმაცია ძალადობის შესახებ არ შეესაბამება სიმართლეს და ამ ფაქტის დამადასტურებელი არანაირი მტკიცებულება არ არსებობს.

ეს არ არის პირველი შემთხვევა, როცა ნელი დოროყაშვილი, ნიკოლოზის ყოფილი მეუღლე ცდილობს ნიკოლოზს და მის ოჯახს მორალური, ფინანსური თუ რეპუტაციული
ზიანი მიაყენოს.

ნიკოლოზ ბასილაშვილი და ნელი დოროყაშვილი განქორწინებაში იმყოფებიან. ნელი დოროყაშვილი, განქორწინებაზე უარს აცხადებდა, შესაბამისად განქორწინება სასამართლოს გზით, გარიგების საფუძველზე მოხდა. ნიკოლოზს ყოფილ მეუღლესთან არანაირი კონტაქტი სასამართლო გადაწყვეტილების შემდეგ არ ჰქონია გარდა ბავშვის მეურვეობისა.

ნელი დოროყაშვილი განქორწინების შემდგომ, ასევე უსაფუძვლოდ, ბავშვზე ძალადობის ბრალდებით უჩიოდა ნიკოლოზ ბასილაშვილის დედას. საჩივარი სასამართლომ განიხილა და ბასილაშვილის დედა გაამართლა.

რაც შეეხება 21 მაისის შემთხვევას, ნელი დოროყაშვილი ნიკოლოზ ბასილაშვილის მშობლების საკუთრებაში უნებართვოდ შეიჭრა, სადაც გამიზნულად ცდილობდა კონფლიქტის გამოწვევას. მიუხედავად ამისა, მის მიმართ არანაირი ძალადობის არათუ ფაქტი, მცდელობაც კი არ ყოფილა. საბედნიეროდ, ამის ბევრი მტკიცებულება არსებობს და მას სასამართლო 2020 წლის 16 ივლისს განიხილავს.

სასამართლო პროცესი გრძელდება. გვჯერა, რომ ნიკოლოზი უდანაშაულობას სამართლებრივი გზით ძალიან მალე დაამტკიცებს“ , - ნათქვამია განცხადებაში.

თამარი
25 მაისი 2020 03:07
ვინ დაიცავს კაცის უფლებებს ასეთი მოძალადე და 'მონადირე' ქალებისგან? სამწუხაროდ ეს პირველი შემთხვევა არ არის!!! ხშირია ასეთი შემთხვევა, როდესაც 'ნადირობენ' შეძლებულ, (ბასილაშვილის შემთხვევაში სილამაზეც სახეზეა) კაცებზე და ბავშვით 'სპეკულანტობენ'. ეს ის 'მოდელი' არ არის შიშველი ფოტოებით რომ ააჭრელა ინტერნეტი? რა პრეტენზია აქვს?
ელენე
25 მაისი 2020 02:33
დროა კაცების უფლებებზეც ვიფიქროთ!!! . მათაც უყვართ შვილები!!! ძნელი დასაჯერებელია, რომ ასეთი მიზანდასახული და დისციპლინირებული ადამიანი, როგორიც ნიკოლოზ ბასილაშვილია, ტყუოდეს ამ შემთხვევაში. არ არის მოსაწონი მისი ცოლის თამამი, უფრო სწორად შიშველი ფოტოები, გამოფენილი სოციალურ ქსელებში!!! ნიკოლოზი მსხვერპლი უფროა, ვიდრე მოძალადე!

რედაქტორის რჩევით
როგორ შეაფასებთ გიორგი გახარიას წლიურ ანგარიშს?
თქვენი აზრი მნიშვნელოვანია!
როგორ შეაფასებთ გიორგი გახარიას წლიურ ანგარიშს?