თბილისის ინფექციური საავადმყოფოს ადმინისტრაციულ შენობაში წვიმს
ახალ კორონავირუსთან ბრძოლაში მოწინავე სამედიცინო დაწესებულების - თბილისის ინფექციური საავადმყოფოს ადმინისტრაციულ შენობაში ნალექიანი ამინდის დროს ისევე წვიმს, როგორც გარეთ.
აღნიშნულ შენობაში კლინიკის ხელმძღვანელობა და ადმინისტრაციის თანამშრომლები მუშაობენ და ინფექციური პათოლოგიისა და შიდსის ცენტრის :ფეისბუქის" გვერდზე გამოქვეყნებულ ფოტოებში კარგად ჩანს, რა პირობებში უწევთ მათ მუშაობა.
"ასე ვამარცხებთ COVID-19-ს... ადმინისტრაციული შენობა" - ვკითხულობთ ვიდეოში, რომელსაც ცენტრი ავრცელებს.
კადრებში ჩანს, რომ უხვი ნალექის გამო კაბინეტებში სახურავიდან წყალი ჩავიდა, რის გამოც თანამშრომლებს მოუხდათ პარკებით დაეფარათ ტექნიკა და დოკუმენტაცია, შუა ოთახში კი ვედროები დგას, დატბორვის თავიდან ასაცილებლად. (წყარო)