შეჯიბრის დაწყებამდე ყველა სპორტსმენს 14-დღიანი სავალდებულო კარანტინის ან თვითიზოლაციის გავლა მოუწევს
შეჯიბრის დაწყებამდე ყველა სპორტსმენს 14-დღიანი სავალდებულო კარანტინის ან თვითიზოლაციის გავლა მოუწევს
შეკრების ან შეჯიბრის დაწყების წინ ყველა სპორტსმენმა და ნაკრების ან კლუბის მთლიანმა პერსონალმა უნდა გაიაროს 14-დღიანი სავალდებულო კარანტინი/თვითიზოლაცია, - ამის შესახებ ჯანდაცვის მინისტრის მიერ დამტკიცებულ პროფესიული სპორტის სხვადასხვა სახეობისთვის კორონავირუსთან დაკავშირებით შემუშავებულ რეკომენდაციებშია აღნიშნული.

დოკუმენტის თანახმად, კარანტინის დასრულების შემდეგ უნდა მოხდეს სრული შემადგენლობის ტესტირება და შეკრებაზე და შეჯიბრზე დაიშვებიან მხოლოდ COVID-19 ტესტირების უარყოფითი შედეგის მქონე პირები.

ამასთან, სპორტული შეკრების ან შეჯიბრის პერიოდში დადგენილ ლოკაციებზე უნდა დაწესდეს საკარანტინო ზომები, რაც შეზღუდავს
ნებისმიერი პირის ბაზაზე შესვლას ან ბაზიდან გასვლას, გარდა სასურსათო მომარაგებისა და დასუფთავების უზრუნველყოფაში ჩართული პირებისა. სპორტსმენებსა და პერსონალს ყოველდღიურად, შეჯიბრის ან ვარჯიშის დაწყების წინ უნდა უტარდებოდეს თერმოსკრინინგი.

"ინტერპრესნიუსი"

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები
თვის კითხვადი სტატიები