"ავლიპ ზურაბიშვილის ურთიერთობა მახსენდება პაციენტებთან!" - რას ამბობს ხათუნა ხოფერია გიორგი გახარიაზე - კვირის პალიტრა

"ავლიპ ზურაბიშვილის ურთიერთობა მახსენდება პაციენტებთან!" - რას ამბობს ხათუნა ხოფერია გიორგი გახარიაზე

პარლამენტის ყოფილი წევრია ხათუნა ხოფერია საქართველოს პრემიერ-მინისტრის, გიორგი გახარიას პარლამენტში გამოსვლას, სოციალურ ქსელში ეხმაურება: ხათუნა ხოფერიამ პრემიერისა და ოპოზიციის დამოკიდებულება,  ცნობილი ფსიქიატრის, ავლიპ ზურაბიშვილისა და მისი პაციენტების ურთიერთობას შეადარა:

უმძიმესი საყურებელია, კომპეტენციისა და შინაარსისგან დაცლილი, სასოწარკვეთილი და დეგრადირებული ოპოზიცია, - ამის შესახებ საქართველოს პრემიერ-მინისტრმა გიორგი გახარიამ პარლამენტში სიტყვით გამოსვლისას განაცხადა და ოპენენტებს კომპეტენცია დაუწუნა.

მისი თქმით, დღეს ადამიანები, ელოდებოდნენ კითხვებს ეპიდემიაზე, ეკონომიკაზე, რაც ყველას დაავიწყდა და ისინი გადავიდნენ პოლიტიკური განცხადებების რეჟიმში.

"პირველ რიგში, მინდა ჩვენს მოქალაქეებს მივმართო, აბსოლუტურად გულწრფელად გეუბნებით, რთულია ახლა რაღაც დასკვნის გაკეთება. უბრალოდ, მესმის ადამიანების, რომლებიც ამ ყველაფერს უყურებენ, რომლებმაც იცოდნენ, რომ დღეს იყო ინტერპელაცია ორი ოპოზიციური პოლიტიკური გუნდის. ეს ადამიანები მოელოდებოდნენ, რომ ჩვენ დღეს ვისაუბრებდით ეპიდემიაზე, ეკონომიკაზე, კიდევ ბევრ რაღაცაზე და დღეს ყველას აბსოლუტურად დაავიწყდა ეს კითხვები, ყველა გადავიდა პოლიტიკური განცხადებების რეჟიმში. გავიგე და ყველას გვესმის, რომ ეს პარლამენტია, გავიგეთ, რომ პოლიტიკური პროცესი დაწყებულია, ეს ყველაფერი გასაგებია, მაგრამ ყველა შემთხვევაში, მაშინ, როდესაც ქვეყანა საგანგებო მდგომარეობის პირობებში იმყოფება და იბრძვის რამდენიმე ფრონტზე ერთდროულად და დღესაც 8 ინფიცირებული გვყავს, როდესაც გლობალურ კონკურენციაში ხვალ და ზეგ გამოწვევები გვექნება უამრავი, ამ პერიოდში ერთმანეთზე დაბრალება რთულია. უმძიმესი საყურებელია, დარწმუნებული ვარ, არა მხოლოდ ჩემთვის, იმ ადამიანებისთვის, იმ მოქალაქეებისთვის, ვინც ამ ყველაფერს უყურებენ, კომპეტენციისა და შინაარსისგან დაცლილი, მორალზე საერთოდ არ ვსაუბრობთ, სასოწარკვეთილი და დეგრადირებული ოპოზიცია, რომელიც ცდილობს გაჭირვება, ბავშვების გაჭირვება, თითოეული ჩვენი მოქალაქის სიღარიბე გამოიყენოს,"- განაცხადა გახარიამ.

"გახარიას ურთიერთობას რომ ვაკვირდები ოპოზიციასთან, ავლიპ ზურაბიშვილის ურთიერთობა მახსენდება პაციენტებთან!"- წერს ხათუნა ხოფერია სოციალურ ქსელში.

წყარო