თურქეთში, ერთ-ერთ საწარმოში აფეთქების შედეგად საქართველოს მოქალაქე დაიღუპა
თურქეთში, ერთ-ერთ საწარმოში აფეთქების შედეგად საქართველოს მოქალაქე დაიღუპა. ამის შესახებ ინფორმაცია "ინტერპრესნიუსს" საგარეო საქმეთა სამინისტროში დაუდასტურეს.
"ვადასტურებთ, რომ გარდაცვლილია საქართველოს მოქალაქე. ცხედარს უტარდება ექსპერტიზა. საკონსულო კონტაქტზეა ოჯახის ახლობლებთან", - აღნიშნავენ უწყებაში.
თურქული მედიის ინფორმაციით, აფეთქება სტამბოლთან ახლოს, კეიბაშის ტანსაცმლის საწარმოში მოხდა. ინციდენტის შედეგად გარდაცვლილია ორი პირი, რომლებიც აღნიშნულ ქარხანაში მუშაობდნენ. ერთ-ერთი მათგანი 45 წლის ქართველი მამაკაცია.
"ინტერპრესნიუსი"