გოგონას, რომელიც გზაზე გადადიოდა, მსუბუქი ავტომობილი დაეჯახა
ორთაჭალაში ავტოსაგზაო შემთხვევის შედეგად, ქვეითად მოსიარულე დაშავდა, რომელიც საავადმყოფოშია გადაყვანილი.
არსებული ინფორმაციით, ახალგაზრდა გოგონას, რომელიც გზაზე გადადიოდა, მსუბუქი ავტომობილი დაეჯახა.
როგორც "ინტერპრესნიუსს" შინაგან საქმეთა სამინისტროში განუცხადეს, მომხდარზე გამოძიება, სისხლის სამართლის კოდექსის 276-ე მუხლის მეორე ნაწილით დაიწყო, რაც ტრანსპორტის მოძრაობის, უსაფრთხოების ან წესების დარღვევას გულისხმობს, რამაც ჯანმრთელობის დაზიანება გამოიწვია.
არსებული ინფორმაციით, მძღოლი გამოძიებასთან თანამშრომლობს.
"ინტერპრესნიუსი"