საქართველოში კორონავირუსის 6 ახალი შემთხვევა გამოვლინდა. სულ რამდენი ინფიცირებული გვყავს ქვეყანაში?
საქართველოში კორონავირუსის 6 ახალი შემთხვევა გამოვლინდა და ჯამში, ინფიცირებულთა რაოდენობა 1177-მდე გაიზარდა. ამის შესახებ ინფორმაცია მთავრობის სპეციალურ ვებ-გვერდ stopcov.ge-ზე გამოქვეყნდა.
რაც შეეხება გამოჯანმრთელებულებს, მათი რიცხვი 8-ით გაიზარდა და 955-ს შეადგენს.
უცხოეთიდან სამკურნალოდ გადმოყვანილია საქართველოს 41 მოქალაქე.
კორონავირუსის შედეგად ქვეყანაში 17 პაციენტი გარდაიცვალა. კარანტინის რეჟიმში 6969 მოქალაქე იმყოფება, სტაციონარში მეთვალყურეობის ქვეშ კი – 285.
"ინტერპრესნიუსი"