ქუთაისის ინფექციურ კლინიკაში კორონავირუსის დიაგნოზით 75 წლის ქალი შეიყვანეს
ქუთაისის ინფექციურ კლინიკაში კორონავირუსის დიაგნოზით 75 წლის ქალი მოათავსეს. პაციენტი მესტიიდან არის.
ასაკოვან ქალს ვირუსისთვის დამახასიათებელი სიმპტომები აღენიშნებოდა, რის გამოც ქუთაისის ერთ-ერთ ცხელების ცენტრში შეიყვანეს, ლაბორატორიული კვლევის შედეგად მას კორონავირუსი დაუდასტურდა.
როგორც კლინიკის მთავარმა ექიმმა თემურ ნადირაძემ განაცხადა, პაციენტის მდგომარეობა საშუალო სიმძიმისაა.
მას პნევმონია აღენიშნება, ასევე თანმხლები დაავადებები აქვს.
ამ დროისთვის კლინიკის ბოქსირებულ განყოფილებაში 2 პაციენტი მკურნალობს.
"ინტერპრესნიუსი"