"ვინც 2008 წელს ხელისუფლებაში იყო ჰკითხეთ, როცა ჩვენი გმირების ცხედრები მინდორში ესვენა, თბილისში დისკოტეკები იყო გამართული, რას ზეიმობდნენ?"
11-08-2020
"ვინც 2008 წელს ხელისუფლებაში იყო ჰკითხეთ, როცა ჩვენი გმირების ცხედრები მინდორში ესვენა, თბილისში დისკოტეკები იყო გამართული, რას ზეიმობდნენ?"
"ჩვენ ვინც გვეძახის და გვეუბნება, ხელისუფლება რატომ არაფერს აკეთებსო, 2008 წელს ეგენი იყვნენ ხელისუფლებაში და კითხვას თუ დაუსვამთ რატომ მოხდა ომი, ძალიან კარგი იქნება", - ამის შესახებ შინაგან საქმეთა მინისტრმა ვახტანგ გომელაურმა ჟურნალისტებს განუცხადა, რითაც გამოეხმაურა ოპოზიციის წარმომდგენლების განცხადებებს იმის შესახებ, რომ "ბორდერიზაციის" შესაჩერებლად ხელისუფლება არაფერს აკეთებს.

გომელაურის განცხადებით, ხელისუფლება საერთაშორისო ორგანიზაციებთან ერთად ყველაფერს აკეთებს.

"ჩვენ ყველაფერს ვაკეთებთ, ჩვენი მეგობრების, საერთაშორისო ორგანიზაციების ჩართულობით. სხვას ვერაფერს გავაკებთ, ჩვენ ვერ დავიწყებთ ომს.
ზუსტად ვიცი, ჩვენ ვინც გვეძახის და გვეუბნება, ხელისუფლება რატომ არაფერს აკეთებსო, ეგენი იყვნენ ხელისუფლებაში 2008 წელს და კითხვას თუ დაუსვამთ, რატომ მოხდა ომი, ძალიან კარგი იქნება და ასევე ჰკითხეთ, 2008 წლის ომის შემდეგ, როდესაც ჩვენი გმირების გვამები ჯერ კიდევ მინდორში
და ტყეებში ესვენა, თბილისში დისკოტეკები და კონცერტები იყო გამართული და რატომ ხდებოდა, რას ზეიმობდნენ? კარგი იქნება, ეს კითხვები რომ დაუსვათ მათ", - განაცხადა გომელაურმა.

"ინტერპრესნიუსი"

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით
კორონავირუსის შემთხვევების მატების მიუხედავად ხელისუფლება მკაცრი შეზღუდვების დაწესებას აღარ აპირებს. როგორ აფასებთ მთავრობის ამ გადაწყვეტილებას?
თქვენი აზრი მნიშვნელოვანია!
კორონავირუსის შემთხვევების მატების მიუხედავად ხელისუფლება მკაცრი შეზღუდვების დაწესებას აღარ აპირებს. როგორ აფასებთ მთავრობის ამ გადაწყვეტილებას?
თვის კითხვადი სტატიები