"ჩემი ქვეყანა იმიტომ კი არ დავტოვე, რომ იქ არ დამედგომებოდა, ქართველი შემიყვარდა, ეს ქვეყანა შემიყვარდა..."
"ჩემი ქვეყანა იმიტომ კი არ დავტოვე, რომ იქ არ დამედგომებოდა, ქართველი შემიყვარდა, ეს ქვეყანა შემიყვარდა..."
"საქართველო ჩემი სახლია, უკრაინაში აღარ ვბრუნდები, აქ არის ჩემი ქმარი, შვილი და აქ მინდა ინტეგრირება. ოთხი უცხო ენა ვიცი და ქართულადაც ყველაფერს ვისწავლი. მინდა, აქ ვიყო წარმატებული შეფმზარეული და ყველა ის შესაძლებლობა გამოვიყენო, რასაც ქართული მიწა იძლევა", - ამბობს "მასტერშეფის" ფინალისტი იანა კუცი, რომელიც პროექტის შემდგომ ემოციებს, შთაბეჭდილებებსა და გეგმებს გვიზიარებს და მის პირად ცხოვრებაზე, ინტერესებსა და ოცნებებზე გვესაუბრება.

გთავაზობთ ამონარიდებს ცნობილების ინტერვიუებიდან, რომელიც ჟურნალში "გზა" გამოქვეყნდა:

"თქვენს ქვეყანაში მაინც
უცხოელი ვარ და როცა ამდენი ადამიანი ასე მგულშემატკივრობდა, ჩემთვის ეს სასიამოვნო იყო. მართალია, ბევრიც ილანძღებოდა, ქართული რომ არ ვიცი, მაგრამ ადრე თუ გვიან, ვისწავლი. უცნობები ფოტოს გადაღებას მთხოვენ - ეს როგორც საამაყო, ისე საპასუხისმგებლოა..."

"ქმარმა მითხრა - არ შეიძლება, ყველას მოსწონდეო. მართალია. მე მყავს მეგობრები,
ნაცნობები, რომელთაც ვუყვარვარ, პატივს მცემენ, ასევე, ისეთებიც, რომლებსაც დიდად არ ვეხატები გულზე, ამიტომ, ეს ალბათ ჩვეულებრივი ამბავია ყველას ცხოვრებაში..."

"ჩემი ქვეყანა იმიტომ კი არ დავტოვე, რომ იქ არ დამედგომებოდა ან თავს ცუდად ვგრძნობდი. ქართველი შემიყვარდა, ეს ქვეყანა შემიყვარდა, აქაური კულტურა, ბუნება, კულინარია და იმიტომაც ჩამოვედი. მინდა, მთელ მსოფლიოს მოვუთხრო საქართველოს შესახებ და რაც შეიძლება მეტმა ადამიანმა გაიგოს..."

"ჩემმა ქმარმა საქართველო ჩემთან ერთად "ისწავლა", ბევრ ადგილას არ იყო ნამყოფი, მაგალითად - გუდაურში. მთელ ცხოვრებას ატარებ ქვეყანაში, სადაც წარმოუდგენელი სილამაზეა, განსაკუთრებით მთები, ტბები, უღელტეხილები და წარმოდგენა არ გაქვს ამ ყველაფერზე. ხალხი სხვა ქვეყნებიდან ჩამოდის ამის სანახავად, თვითონ ქართველები კი საზღვარგარეთ დადიან და საკუთარს არ აფასებენ, საოცარია..."

ინტერვიუს სრულად ჟურნალ "გზის" 13 აგვისტოს ნომერში წაიკითხავთ.

თამთა დადეშელი
ეეჰ, ჩემო კუც.
14 აგვისტო 2020 22:22
ქართველები როგორ არ აფასებენ საკუთარ ქვეყანას, მაგრამ ყველას არააქვს ფული რომ იმოგზაუროს ამ ქვეყანაში. აჭარის მაღალმთაში რამდენი კაცია ბათუმში, რომ არ ყოფილან და ზღვა არ უნახავს, ასევე რამდენი ბათუმელია, ზემო აჭარა რომ არ უნახავს.
მანანა
14 აგვისტო 2020 21:06
იანა,ჩვენ გვიყვარხააარ!❤️❤️❤️❤️❤️❤️❤️❤️
Bela
14 აგვისტო 2020 20:57
Magari gogo xar

რუბრიკის სხვა სიახლეები
კორონავირუსის შემთხვევების მატების მიუხედავად ხელისუფლება მკაცრი შეზღუდვების დაწესებას აღარ აპირებს. როგორ აფასებთ მთავრობის ამ გადაწყვეტილებას?
თქვენი აზრი მნიშვნელოვანია!
კორონავირუსის შემთხვევების მატების მიუხედავად ხელისუფლება მკაცრი შეზღუდვების დაწესებას აღარ აპირებს. როგორ აფასებთ მთავრობის ამ გადაწყვეტილებას?
დღის კითხვადი სტატიები
თვის კითხვადი სტატიები