"ქობულეთში კორონავირუსი კაფე "ჰავანაში" მომუშავეს დაუდასტურდა" - პაატა იმნაძე დამსვენებლებს მიმართავს - კვირის პალიტრა

"ქობულეთში კორონავირუსი კაფე "ჰავანაში" მომუშავეს დაუდასტურდა" - პაატა იმნაძე დამსვენებლებს მიმართავს

ქობულეთში კორონავირუსის ერთი შემთხვევა გამოვლინდა. ვირუსი ერთ-ერთ კაფეში მომუშავე ქალს დაუდასტურდა. ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ ბრიფინგზე განაცხადა.

"ქობულეთში გამოვლინდა შემთხვევა. ქალი ჩასულია თბილისიდან სამუშაოდ ქობულეთში. არის ასეთი კაფე "ჰავანა" და ამ ბუნგალოში მომუშავე პერსონალი, ვინც კონტაქტში იყო ამ თანამშრომელთან, მოკვლეულია და მათ გამოიკვლევენ. მაგრამ 9, 10 და 11 აგვისტოს ვინც იყო ვიზიტორი ამ კაფის, მინდა რომ ისინიც გავაფრთხილო, ფრთხილად იყვნენ და თუ ოდნავ მაინც სიმპტომები გამოუვლინდებათ, მიმართონ "ცხელების ცენტრებს",- განაცხადა იმნაძემ.

როგორც იმნაძე აღნიშნავს, გუშინ ქვეყნის მასშტაბით კორონავირუსის 6 ათასამდე ტესტი ჩატარდა და სულ ბოლო მონაცემებით, საქართველოში 300 ათასზე მეტი პისიარ ტესტია გაკეთებული.

იხილეთ ვიდეო