"ბედნიერებაა, პირადად იცნობდე ქართული კულტურის დიდ მოამაგესა და ქომაგს" - როგორ მიულოცა ბიძინა ივანიშვილმა ჯემალ ჭყუასელს იუბილე?
პოლიტიკური პარტია "ქართული ოცნების“ თავმჯდომარე ბიძინა ივანიშვილი ანსამბლ "ერისიონის“ სამხატვრო ხელმძღვანელსა და საქართველოს სახალხო არტისტს ჯემალ ჭკუასელს 85 წლის იუბილეს სოციალურ ქსელში ულოცავს.
ჩვენო საყვარელო, ბატონო ჯემალ,მე და ჩემი ოჯახი მთელი გულით გილოცავთ 85 წლის იუბილეს!ბედნიერებაა, პირადად იცნობდე ქართული კულტურის დიდ მოამაგესა და ქომაგს, თავისი საქმის ერთგულ, დაუღალავ კაცს, რომელმაც მთელი ცხოვრება მიუძღვნა ჩვენი ყველაზე დიდი საგანძურის – უნიკალური ქართული ფოლკლორის აღორძინებას.
გისურვებთ ჯანმრთელობას და დიდხანს სიცოცხლეს. დარწმუნებული ვარ, ამ კეთილშობილურ საქმეს, რომელსაც თქვენ ემსახურებით, თაობები დააფასებენ”,-წერს ბიძინა ივანიშვილი.