კორონავირუსით გარდაცვლილი 8 პაციენტიდან 3 აჭარაში მკურნალობდა
ინფექციური საავადმყოფოს ბოქსირებული განყოფილების ხელმძღვანელის მარინა ენდელაძის განცხადებით, ქვეყანაში კორონავირუსით კიდევ 8 პაციენტი გარდაიცვალა.
მისივე თქმით, გარდაცვლილთაგან 3 პაციენტი აჭარიდანაა.
“ჯამში ქვეყანაში 136 პაციენტი გარდაიცვალა. ბოლო 24 საათში დაგვემატა 8 პაციენტი და აქედან, 3 პაციენტი გარდაიცვალა აჭარაში”, - განაცხადა ენდელაძემ.
ცნობისთვის, საქართველოში კორონავირუსის 1192 ახალი შემთხვევა გამოვლინდა და ინფიცირების შემთხვევათა რაოდენობა 17477-ს შეადგენს.
"ინტერპრესნიუსი"