აშშ-ში კორონავირუსის სამკურნალოდ Regeneron-ის "ანტისხეულების კოქტეილის" გამოყენების ნებართვა გასცეს - კვირის პალიტრა

აშშ-ში კორონავირუსის სამკურნალოდ Regeneron-ის "ანტისხეულების კოქტეილის" გამოყენების ნებართვა გასცეს

აშშ-ში საკვებისა და მედიკამენტების ადმინისტრაციამ კომპანია Regeneron-ის მიერ შექმნილი კორონავირუსის სამკურნალო პრეპარატის გამოყენებაზე ნებართვა გასცა.

BBC-ის ინფორმაციით, პრეპარატი კორონავირუსის "ანტისხეულების კოქტეილს" წარმოადგენს და მისი გამოყენება დასაშვებია 12 წელს ზემოთ პაციენტებისთვის, ასევე მათთვის, ვისაც ვირუსის მსუბუქი ან საშუალო სიმძიმის ფორმა აქვთ.

პრეპარატის მიღება დაუშვებელია იმ პაციენტებზე, ვინც საავადმყოფოშია გადაყვანილი ან ხელოვნურ სუნთქვაზე იმყოფება.

აღსანიშნავია, რომ კორონავირუსით დაინფიცირების შემდეგ დონალდ ტრამპს სწორედ აღნიშნული პერეპარატით უმკურნალეს.

"ინტერპრესნიუსი"