"მზად ვარ, პირველი ვაქცინა, როგორც დარგის სპეციალისტმა, საჯაროდ გავიკეთო"
"მზად ვარ, პირველი ვაქცინა, როგორც დარგის სპეციალისტმა, საჯაროდ გავიკეთო"
პარლამენტის ჯანდაცვის კომიტეტის თავმჯდომარის პირველი მოადგილე ლადო კახაძე მზაობას გამოთქვამს, კოვიდის საწინააღმდეგო პირველი ვაქცინა საჯაროდ გაიკეთოს და იგივესაკენ საპატრიარქოს წარმომადგენლებს მოუწოდებს.

კახაძემ პარლამენტის ჯანდაცვის კომიტეტის სხდომაზე ვაქცინაციის პროცესის მიმართ მოსახლეობის ნდობის გაჩენის მნიშველობაზე გაამახვილა ყურადღება.

"იქნებ პირველი ვაქცინაციის დროს, არა მხოლოდ ურწმუნოთა დასანახად, ვაქცინაციის ნდობის ასამაღლებლად, გავაკეთოთ ინიცირება. პირადად მე მზად ვარ, პირველი ვაქცინა, რომელიც შემოვა, როგორც ასაკითა და როგორც დარგის სპეციალისტმა, საჯაროდ, ყველას დასანახად გავიკეთო. ვთხოვ, ვინც არის აღმასრულებელი
ხელისუფლებიდან და არასამთვარობო სექტორიდან... დიდი მოკრძალებითა და ქედის მოხრით მივმართავ საპატრიარქოს, თითოეული მათგანის რწმენისა და მათი გავლენის ადამიანის რწმენაზე, პირველი ვაქცინაციის დროს, სახალხოდ ერთად გავიკეთოთ, რათა ადამიანებს მივცეთ რწმუნებითი ნაწილი, რომ ეს უსაფრთხოა", - განაცხადა ლადო კახაძემ კომიტეტის დღევანდელ სხდომაზე.

კომიტეტმა პირველი მოსმენით საკანონმდებლო ინიციატივა
განიხილა, რომლის მიხედვით, COVID-19-ის საწინააღმდეგო ვაქცინაციის მიზნით, "საზოგადოებრივი ჯანმრთელობის შესახებ" კანონს სპეციალური მუხლი ემატება.

კანონში დაგეგმილი ცვლილებების ავტორი და ინიციატორები არიან პარლამენტის წევრები: დიმიტრი ხუნდაძე, ლადო კახაძე, ანტონ ობოლაშვილი, რამინა ბერაძე, ზაზა ლომინაძე, ზაალ მიქელაძე, ირმა ზავრადაშვილი და დავით სერგეენკო.


"ინტერპრესნიუსი"
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები
დღის კითხვადი სტატიები
გაზეთის სტატია. მიიღეთ წვდომა
თვის კითხვადი სტატიები