მზიურის პარკში სასწავლო პროცესის აუდიტორიაში აღდგენის მოთხოვნით საპროტესტო აქცია გაიმართა - კვირის პალიტრა

მზიურის პარკში სასწავლო პროცესის აუდიტორიაში აღდგენის მოთხოვნით საპროტესტო აქცია გაიმართა

მზიურის პარკში სასწავლო პროცესის აუდიტორიაში აღდგენის მოთხოვნით საპროტესტო აქცია გაიმართა.

როგორც ჟურნალისტებთან საუბრისას აქციის ერთ-ერთმა წევრმა, მშობელთა საინიციატივო ჯგუფის წარმომადგენელმა, ნინო რობაქიძემ აღნიშნა, მოსწავლეების სურვილები და ლეგიტიმური ინტერესები გადაწყვეტილების მიმღები პირების მიერ, პანდემიის მენეჯმენტის არც ერთ ეტაპზე არ იყო გათვალისწინებული.

"ჩვენი დღევანდელი აქცია იყო პირველი სიმბოლური მშობლების შეკრება, რომელიც ემსახურება იმას, რომ ჩვენ ჩვენი შვილების ხმა მივაწვდინოთ გადაწყვეტილებების მიმღებ პირებს. ჩვენ ვსაუბრობთ იმ ბავშვების სახელით, რომლებსაც არ აქვთ საშუალება, რომ თვითონ დააორგანიზონ აქციები, მაგრამ აქვთ სურვილები და ლეგიტიმური ინტერესები, რომელიც არ იყო გათვალისწინებული პანდემიის მენეჯმენტის არც ერთ ეტაპზე გადაწყვეტილების მიმღები პირების მიერ. საუბარია ბავშვების ძალიან დიდ ჯგუფზე, დაახლოებით 600 000-მდე ბავშვი არის სკოლებში რეგისტრირებული. არც ერთ ნორმალურ ქვეყანაში არ ყოფილა საგანმანათლებლო დაწესებულებების სამსემესტრიანი სრული დახურვა. გვსურს გავიგოთ რამდენად მომზადებული ხვდება სასწავლო დაწესებულებები პანდემიის პირობებში სწავლის დაწყებას, როდის მოხდება ეს და რა ეშველებათ იმ ბავშვებს, რომლებიც ამდენი ხმის მანძილზე ონლაინსწავლების მიღმა იყვნენ დარჩენილები", - აღნიშნა ნინო რობაქიძემ.

"ინტერპრესნიუსი"