"მაგისტრატურის მისაღები საერთაშორისო გამოცდა ჩააბარა" - რას წერს ნინო ჟვანია შვილზე, რომელსაც 3-წლიანი პატიმრობა აქვს მისჯილი?
ყოფილი პრემიერ-მინისტრის, ზურაბ ჟვანიას შვილმა, ბუსა ჟვანიამ, რომელსაც 3-წლიანი პატიმრობა მიუსაჯეს მაგისტრატურის მისაღები საერთაშორისო გამოცდა.
"ჩემმა შვილმა, ბესარიონმა, მაგისტრატურის მისაღები საერთაშორისო გამოცდა GMAT ჩააბარა და მიღებული ქულით 740 ტოპ 3%-ში შევიდა. მადლობა პენიტენციურ დეპარტამენტს თანადგომისათვის" - წერს ნინო ჟვანია "ფეისბუქის" პირად გვერდზე.
ინფორმაციისთვის, ყოფილი პრემიერ-მინისტრის, ზურაბ ჟვანიას შვილს, ბუსა ჟვანიას, რომელიც ბიზნესმენ გოგი თოფაძის შვილიშვილის, ლევან თოფაძის განზრახ მკვლელობის მცდელობის ბრალდებით დააკავეს, სასამართლომ 3-წლიანი პატიმრობა მიუსაჯა. სასამართლოს გადაწყვეტილებით, მისჯილი 3 წლიდან ბუსა ჟვანია პენიტენციურ დაწესებულებაში წელიწადნახევარს გაატარებს, დანარჩენი წელიწადნახევარი კი პირობითად ჩაეთვლება.