"ვარდების რევოლუციამდე" რამდენიმე წლით ადრე, როგორც კი სააკაშვილი დავინახე, მაშინვე მივხვდი, როგორიც იყო"
"ვარდების რევოლუციამდე" რამდენიმე წლით ადრე, როგორც კი სააკაშვილი დავინახე, მაშინვე მივხვდი, როგორიც იყო"
"ამ ყველაფრის მერე მიშა როგორ უნდა დაბრუნდეს და, მით უმეტეს, როგორ უნდა მიუჯდეს მოლაპარაკების მაგიდას სხვა პოლიტიკოსებთან ერთად? ის მხოლოდ საკანში თუ მიუჯდება მაგიდას, და ნიკა მელიასთან ერთად ითამაშებს ნარდს ან კარტს"

"რას ნიშნავს, მიშა სააკაშვილი ჩამოვიდეს?! ის პირდაპირ ციხეში უნდა წავიდეს! მაშ, რატომ გავყარეთ ქურდები? თქვენ გგონიათ, იმათზე ნაკლები კრიმინალია მიშა სააკაშვილი? ისინი იმას მაინც აღიარებენ, რომ ქურდები არიან, ეს კი გვარწმუნებს, დემოკრატი და პატრიოტი ვარო. უბედურება ის არის,
რომ ასეთ ხალხს მომხრეები ჰყავს", - განაცხადა "კვირის პალიტრასთან" ინტერვიუში მსახიობმა დავით ხურცილავამ.

- ჯერ კიდევ "ვარდების რევოლუციამდე" რამდენიმე წლით ადრე, როგორც კი სააკაშვილი დავინახე, მაშინვე მივხვდი, როგორიც იყო. შიზოფრენიკია! ცნობილმა ფსიქიატრმა, აკადემიკოსმა თამილა მაკარიძემ მითხრა, ჩვეულებრივი ავადმყოფია, ასეთებს ზოგჯერ ვკეტავთ კიდეცო. შეიძლება მაშინ მას
90%-მა დაუჭირა მხარი, მაგრამ მე სწორედ იმ 10%-ში ვიყავი. "ნაციონალების" მიმართ დამოკიდებულება არასდროს შემიცვლია.

- აშკარად როდის და რატომ დაუპირისპირდით "ნაციონალურ მოძრაობას"?
- ის სისტემა მეც შემეხო - მიწა წამართვეს, გადაცემა დამიხურეს, იყო სხვა პრობლემებიც, მაგრამ არ მინდა ამაზე ლაპარაკი. მაინცდამაინც მე უნდა ვიყო კარგად, რომ მივხვდე, როგორი კარგია დენდროლოგიური პარკი, ბლექსი არენა, სამება, თეატრების გარემონტება, იპოდრომის გამოსყიდვა? ადამიანმა კარგის დანახვაც უნდა შეძლოს და ცუდიც თქვას, სხვისი ჭირი ღობის ჩხირი არ უნდა იყოს. მარტო გირგვლიანი მეყოფა იმის სათქმელად, რომ არც მიშა მინდა და არც - "ნაცმოძრაობა". ამ ყველაფრის მერე როგორ უნდა დაბრუნდეს და, მით უმეტეს, როგორ უნდა მიუჯდეს მოლაპარაკების მაგიდას სხვა პოლიტიკოსებთან ერთად? ის მხოლოდ საკანში თუ მიუჯდება მაგიდას, და ნიკა მელიასთან ერთად ითამაშებს ნარდს ან კარტს.

სხვათა შორის, ისიც ვერ გავიგე, რა უნდა მელიას? კაცი ამბობს, აქ მინდა ვიჯდეო. გადაიხადოს გირაო და გამოვა გარეთ, მაგრამ არ გადაიხდის, რადგან არეულობა, ორომტრიალი უნდათ. ვინმეს ეჭვი ეპარება ოპოზიციის დესტრუქციულობაში? ხომ შეიძლება, როდისმე დაგვანებონ თავი?!

დღესაც არიან სტალინელები, რომელთაც ეზოებში, სახლებში მისი ძეგლები უდგათ, ფოტოები აქვთ გადიდებული, მაგრამ პოლიტიკურ პროცესებში არ ერევიან. ყოფილი პრეზიდენტის მიმდევრებმაც ააშენონ პატარა ეკლესია, დაკიდონ მიშა სააკაშვილის, გიგა ბოკერიას, ნიკა გვარამიას ფოტოები, ანთონ სანთლები და ქვეყანასა და ხალხს თავი დაანებონ. ერთადერთი, რის გამოც "ქართულ ოცნებაზე" ვბრაზობ, არის ის, რომ დღემდე "ნაციონალებთან" გვიწევს ჭიდაობა. ჰოდა, თუ ხელისუფლებამ ვერ მოახერხა, ამას ხალხი გააკეთებს.

- მაინცდამაინც 9 აპრილს რატომ დაამთხვიეთ აქცია და რატომ - მდუმარე?
- უცნობმა, მე და ზუკა პაპუაშვილმა მხოლოდ ხმამაღლა ვთქვით ის, რაც საზოგადოებას უნდოდა და რომ არა უცნობი­ და მისი "კიდობანი", ამას ვერ მოვახერხებდით.

ნინო ჯავახიშვილი
ნინა
15 აპრილი 2021 10:08
მეც ვარდების რევოლუციამდე რამდენიმე წლით ადრე მივხვდი, რომ ამ ადამიანს ფსიქიკური ჯანმრთელობის პრობლემა ჰქონდა, როდესაც მის გამოსვლებს იურიდიული კომიტეტის სხდომებზე ჟურნალისტთა ლოჟიდან ვადევნებდი თვალს. ამას ხმამაღლაც ვამბობდი. ვარდების რევოლუციიდან მოკლე დროში კი ცხადი გახდა, რომ მორალი და ზნეობა მისთვის არ არსებობდა და სამწუხაროდ ასეთივე ბევრი ადამიანი იპოვა და შემოიკრიბა გარშემო.
მდუმარე აქცია კი პროტესტის გამოხატვის სწორი ფორმა იყო სწორედ დღევანდელ დღეს და ამაყად ვიდექი ამ აქციაზე.
ლეა
15 აპრილი 2021 08:28
გაიხარე! ნეტავ ასე ყველა ფიქრობდეს! დავიღალეთ ამ აქოთებული კარვებით! ნამახვანსაც არ ჭირდება ამხელა ალიაქოთი!მშვიდად შეიძლება გადაიჭრას პრობლემა 1 ამ ყვეკაფერს ნაცების სუნი ასდის რაც ასე აუტანელია და დამღუპველი ქვეყნითვის! გონს მოდით 1 გეყოფათ ცანცარი! დაეხმარეთ ხელისუფლებას აშენებაში ნუ მტრობთ სამშობლოს! ღმერთის არ გეშინიათ?!! რაღა დროს მიშა და გნაცებია?!
თეიმურაზ გრიგოლია
15 აპრილი 2021 02:44
სიმართლეა

რუბრიკის სხვა სიახლეები
დღის კითხვადი სტატიები
თვის კითხვადი სტატიები