"ნამახვანი ჰესის საკითხი "პრადვინუტი" საზოგადოების თვალში დასულია რამდენიმე "ჩამჭრელ" კითხვამდე" - რას წერს გია ხუხაშვილი ნამხვან ჰესის მშენებლობაზე? - კვირის პალიტრა

"ნამახვანი ჰესის საკითხი "პრადვინუტი" საზოგადოების თვალში დასულია რამდენიმე "ჩამჭრელ" კითხვამდე" - რას წერს გია ხუხაშვილი ნამხვან ჰესის მშენებლობაზე?

ექსპერტი გია ხუხაშვილი ნამახვანი ჰესის გარშემო ატეხილ აჟიოტაჟზე საკუთარ მოსაზრებას "ფეისბუქის" გვერდზე წერს:

"სამწუხაროდ, ნამახვანი ჰესის საკითხი "პრადვინუტი" საზოგადოების თვალში დასულია რამდენიმე "ჩამჭრელ" კითხვამდე და ეს რიტორიკული კითხვები ითვლება ჭეშმარიტების ფლობის გამოხატულებად. ეს კითხვებია

"აბა ჰესები არ გვჭირდება?", "აბა ინვესტიციები არ გვჭირდება?", "ენერგოდამოუკიდებლობა არ გვინდა?", "აბა რუსეთზე ვიყოთ დამოკიდებული?"

ბატონებო, თუ კითხვებს სვამთ, მოკლე პასუხები მაინც მოისმინეთ.

- ჰესები გვჭირდება, მაგრამ უსაფრთხო და ეკონომიკურად დასაბუთებული.

- ინვესტორი გვჭირდება, მაგრამ არა ისეთი , რომელსაც გრძელვადიანი სახელმწიფო კონტრაქტით გარანტირებული აქვს ზემოგება, რისკი კი ნულის ტოლი აქვს.

ის რომ ჩვენი სისტემა ნამახვანის გარეშე რუსეთზე იქნება დამოკიდებული, არის დიდი ტყუილი.

ახლა რამდენიმე კითხვას მე დაგისვამთ დასაფიქრებლად:

თქვენი აზრით:

რატომ დანიშნა თვითონ ხელისუფლებამ დამატებითი ექსპერტიზა?

რამდენად ობიექტურია კომპანიისთვის გარანტირებული ტარიფი და ხომ არ არის მასში კორუფციული კომპონენტი?

იქნებ იმიტომ არ ჯდებიან შეხვედრაზე, რომ პასუხები უბრალოდ არა აქვთ?

კიდევ ბევრი კითხვაა, მაგრამ ახლა ესეც საკმარისია იმისთვის, რომ დაფიქრდეთ - იქნებ უარესად არის საქმე, ვიდრე თქვენ გგონიათ?" - წერს გია ხუხაშვილი.