"აპაჩები" ქართულ ცაში, "აბრამსები" ქართულ მიწაზე...
"აპაჩები" ქართულ ცაში, "აბრამსები" ქართულ მიწაზე...
ნატო-მ საქართველოში თავისი საბრძოლო ტექნიკის ძირითადი ნიმუშები ჩამოიტანა

აგვისტოს ომის ათი წლის თავზე ქართულ გზებზე და ცაში რუსულის ნაცვლად ამერიკული ტანკები მოძრაობენ და შვეულმფრენები დაფრინავენ, მაგრამ ეს არ ნიშნავს, რომ ნატომ თავისი "თავდაცვის ქოლგა" გადმოგვაფარა...
1 აგვისტოს ვაზიანში გაიხსნება მორიგი მრავალეროვნული სამხედრო სწავლება "ღირსეული პარტნიორი-2018", რომელშიც რეკორდული, 13 ქვეყანა მიიღებს მონაწილეობას.
მათ შორის, პირველად ერთად იქნებიან წარმოდგენილი სომხეთისა და აზერბაიჯანის სამხედრო მოსამსახურეებიც, რაც ნატო-ს პარტნიორი ქვეყნების ისტორიაში ძალზე იშვიათად ხდება.
მაგალითად, გასულ წელს საქართველოში გამართულ საერთაშორისო სამხედრო სწავლებაზე სომხურმა მხარემ ბოლო მომენტში თქვა უარი და მათ ნაცვლად აზერბაიჯანული ოცეული ჩამოვიდა.
მრავალეროვნულ სამხედრო სწავლებაში, რომელიც 15 აგვისტომდე გაგრძელდება, საქართველოს გარდა ასევე მონაწილეობას მიიღებენ აშშ-ის, დიდი ბრიტანეთის, გერმანიის, ესტონეთის, საფრანგეთის, ლიეტუვას, პოლონეთის, ნორვეგიის, თურქეთისა და უკრაინის სამხედრო
დანაყოფები და ასევე საბრძოლო ტექნიკაც.
საინტერესოა, რომ პირველად ამ საუკუნეში ქართულ პოლიგონზე გამოჩნდება გერმანული საბრძოლო მანქანები "მარდერები". საუკუნე იმიტომ დავაზუსტე, რომ ზუსტად ასი წლის წინ, 1918 წლის ივნისში გერმანულმა კაიზერის არმიამ დამოუკიდებლობა გამოცხადებულ საქართველოში სხვა შეიარაღებასთან ერთად ექვსი ჯავშანმანქანაც შემოიტანა, რომელთა ნაწილი შემდეგ ქართულ გვარდიას დაუტოვა.
გერმანული "მარდერების" გარდა სწავლებაში მონაწილეობას ტრადიციულად მიიღებენ ამერიკული "აბრამსები", "ბრედლები" და "სტრაიკერები", რომლებიც ფოთის პორტში ბორანებიდან ჩამოიტვირთა და ვაზიანამდე ბორბლებიანი ჯავშანტექნიკა თავისი სვლით ჩავიდა, მუხლუხიანები კი რკინიგზით ჩაიტანეს.

სწავლების რაიონში "ბლექ ჰოუკის" ტიპის ამერიკული მრავალდანიშნულების შვეულმფრენებიც იფრენენ.
ასევე, პირველად ქართულ ცაში გამოჩნდებიან ამერიკული დამრტყმელი შვეულმფრენები "აპაჩები", რომლებსაც "ცივი ომის" დროს დასავლეთ ევროპის დაცვა "ევალებოდათ" საბჭოთა სატანკო არმადების ლა მანშისკენ გაჭრის შემთხვევაში.

სწავლება კომპლექსურია და მისი სცენარი ითვალისწინებს სამეთაურო-საშტაბო და საველე სწავლებებს საბრძოლო სროლებით, სამანევრო და საბრძოლო მხარდამჭერი ელემენტების ურთიერთქმედებას თავდაცვით და შეტევით ოპერაციებში.

"ღირსეული პარტნიორი-2018"-ს წმინდა სამხედროს, გარდა მნიშვნელოვანი პოლიტიკური დატვირთვაც აქვს, რადგან ის რუსული სამხედრო აგრესიის ზუსტად ათი წლისთავზე ტარდება.
სწავლებაზე პირველად წარმოდგენილი იქნება გერმანული ქვეითთა საბრძოლო მანქანები მარდერები

თუკი ათი წლის წინ, აგვისტოს ომის დროს ქართული არმია მარტო უპირისპირდებოდა რუს ოკუპანტებს და მის მხარდამჭერ ოს და აფხაზ სეპარატისტებს, დღეს ქართულ მიწაზე ათზე მეტი ჩვენი პარტნიორი და მხარდამჭერი ქვეყნის მებრძოლი იმყოფებიან.
ეს პოლიტიკური თუ პიარის თვალსაზრისით რა თქმა უნდა მომგებიანია, მაგრამ შეცდომაში არ უნდა შეგვიყვანოს, რადგან, რაც არ უნდა "ღირსეული პარტნიორები" გვყავდეს, ხელს არავინ გაანძრევს, ხვალ მოულოდნელად რუსი სამხედროები შეტევაზე რომ გადმოვიდნენ, პირიქით მთელი ყურადღება ამ სწავლებაში მონაწილეებისა და მათი საბრძოლო ტექნიკის საქართველოდან სასწრაფო ევაკუაციაზე იქნება გადატანილი(როგორც ეს 2008 წლის საერთაშორისო სამხედრო სწავლების დამთავრების შემდეგ მოხდა, როდესაც ფოთის სავაჭრო პორტში რუსული 45-ე სპეცდანიშნულების პოლკის სადაზვერვო-დივერსიულმა ჯგუფმა სწავლებაში მონაწილე სამი ამერიკული "ჰამვი" ალაფად წაიღო და დღემდე არ დაუბრუნებია პენტაგონისთვის) და მოწინააღმდეგის შემოტევის მოგერიება მხოლოდ და მხოლოდ ისევ ქართულ არმიას მოუწევს.
ამერიკული დამრტყმელი შვეულმფრენების აპაჩების მთავარი ამოცანა ჯერ საბჭოთა, შემდგომ კი რუსული ტანკების განადგურება იყო
ეს იმიტომ კი არ მოხდება, რომ ამერიკელი თუ პოლონელი სამხედროები მშიშრები არიან(პირიქით, ბევრი უკრაინელი თუ ესტონელი სამხედრო უარს არ იტყოდა ქართველების გვერდით საერთო მოწინააღმდეგესთან შებრძოლებაზე), უბრალოდ ნატო-ს წევრი ქვეყნების ხელმძღვანელები ამას არ დაუშვებენ, თუნდაც იმიტომ, რომ საქართველო დღემდე არ არის ალიანსის სრულუფლებინი წევრი და მასზე არ ვრცელდება კოლექტიური თავდაცვის მე-5 პუნქტი.
ასე, რომ გვინდა თუ არა, უახლოეს მომავალში ეტყობა მხოლოდ ასეთ მრავალეროვნულ სამხედრო სწავლებებს უნდა დავჯერდეთ, რადგან საქართველოს თავის რიგებში მისაღებად მზად, თავად ნატო არ არის. გარდაუვალ რუსულ "ადეკვატურ პასუხს" სამხედრო აგრესიის განახლების სახით ქართულ მიწაზე, ალიანსი ვერ და არ დაუპირისპირდება...



ბლოგში გამოთქმული მოსაზრებები ეკუთვნის ბლოგერს, რომელსაც შესაძლოა რედაქცია არ ეთანხმებოდეს
qutaiseli
09 აგვისტო 2018 20:50
ამერიკამ გერმანიაში მთელი ესკადრილია ჩაიყვანა და შენ ერთი ტილიანი თვითფრინავი არ გაკადრა აი ესარი მოკავშირეობა და არა ის რასაც ჩვენ გვიკეთებენ რუსის მონობიდან გამოსულები ამერიკელების ნების აღმსრულებლები გავხდით და შედეგად რა მივიღეთ არც არაფელი ამ აპაჩს წაიყვანენ ამეწრიკელები და ჩვენ დაგვჩება სამში ერთი.არუნდათ რუსებთან ღიად დაპირისპირება რატო? ალბათ ეს კითხვა არცუნდა დაისვას ვინც ცოტა აზრზეა რას ნიშნავს ბირთვული იარაღი.სხვათაშორის ამერკელებს უთხრენ რუსებმა ვაღიარებთ საქართველოს სუვერენიტეტს დღევანდელ საზღვრებშიო ანუ აფხაზეთის და სამაჩაბლოს გარეშეო ევროპა კიდე ეხლა ეძებს ისეთ არსებას რომელიც საქართველოში შეიძლება მოვიდეს ხელისუფლებაში და რაღაცნაირად დაძრას ეს საკითხი მკვდარი წერტილიდან როგორც ეტყობა ჯერჯერობით ეგეთი შიზოიდი ვერ ნახეს მაგრამ მათ ბევრი დროაქვთ და აუცილებლად გამოქექავენ ეგეთ ფსევდოლიბერალ.არამზადას.ერთ თვეში მოაგვარებენ საქართველოს ნატოში გაწევრიანებას გერმანია და საფრანგეთი როგორცკი უარს ვიტყვით ოკუპირებულ მიწებზე.აი ესარი ყველაფრის თავიც და ბოლოც.
Zaza
09 აგვისტო 2018 17:06
ადრე თუ გვიან, დადგება ის დროც რომ რუსეთს ისევ საქართველო მოუღებს ბოლოს, ეს თვითონ რუსებმა ძალიან კარგად იციან და ამიტომაც სურთ ჩვენი განადგურება, მტავარია ჩვენ ყურები არ ჩამოვყაროთ და დადგება ჩვენი დროც, ისეთი რომელსაც დღეს ვერც კი წარმოვიდგენთ, ბევრი შეიძლება ფიქრობდეს, ამხელა რუსეთს ბოლო როგორ უნდა მოუღოვო, მაგრამ ყოველი დღევანდელი ფანტაზია ხვალ რეალობად იქცევა ხოლმე... რუსებო! თავს გაუფრთხილდით, მოვდივართ!!!....
qutaiseli
09 აგვისტო 2018 16:44
შე დალოცვილო აზროვნება რატო მოგცა ღმერთმა იიმიტო რო გაიაზრო სიტყვაზე რას გეუბნებიან ევროპელი პოლიტიკოსები ხოდა რა გითხრეს გითხრესრო მაპი გჭირდებაო მოგცეს არ მოგცეს ნატოს წევრი გახდებიო ხო გითხრეს ათი წლის უკან ხოდა ეხლა მეორე ათი წელი რო გავა კიდე რამეს გადმოგიგდებენ ფოჩვიანი კამფეტის პონტში აგერ გაახარა ღნერთმა ტრამპი კაი ბიჭებიხართ და შეიძლება ოდესმე მოგეცეთ შანსიო პუტინთან შეხვედრის მერე ესე გვითხრა და იქვე დაამატა კარგია წყნარად რომხართ და ბერვს არახურებთო.ხოდა კი ვიქნებით ესე სანამ შევძლებთ არსებობას თორე რათ უნდა მაგას ნატოდა კატო ამერიკასს შუძლია როგორც ისრაელთან ისე დადოს ჩვენთან ხელშეკრულება და იარაღიც მოგვცეს და ბაზებიც გახსნას აქ მარა რუსებს უწევს ანგარიშს და კიდე რო ჩვენ აუცილებლად მოვითხოვთ რუსებისგან ჩვენ ტერიტორიებს და ამერიკელებიც იქნებან ჩათრეული ამ კომფრონტაციაში ხოდა ქია ეგ ამერიკელი გაყუჩული.ესაა რეალობა თორე ჩვენ პოლიტიკურ ელიტას სულარ კიდია ქვეყანადა ხალხი მთავარია მაყუთი მოდის ჩანჩქერივით დასავლეთიდან.

რუბრიკის სხვა სიახლეები
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები