პუტინის მიერ სომხეთისთვის გაგზავნილმა მრისხანე, საახალწლო "საჩუქრებმა" საქართველოზე გადაიფრინეს
პუტინის მიერ სომხეთისთვის გაგზავნილმა მრისხანე, საახალწლო "საჩუქრებმა" საქართველოზე გადაიფრინეს
ფოტო:გახარებული ფაშინიანი რუსული "ტორების" ფონზე
სომხეთის შეიარაღებულმა ძალებმა ახალი წლისთვის სერიოზული "საახალწლო საჩუქრები" მიიღო რუსეთიდან, რაც სამხრეთ კავკასიის ამ რეპუბლიკას ჩვენს რეგიონში მნიშვნელოვნად გააძლიერებს.
სომხეთის პრემიერ-მინისტრმა ნიკოლ ფაშინიანმა 21 დეკემბერს "ფეისბუკის" გვერდზე გაღიმებული "სელფი" დადო და თანამემამულეებს ახარა რუსეთიდან თანამედროვე საზენიტო-სარაკეტო "ტორების" ჩატანა ერევანში.

საგულისხმოა, რომ ეს საბრძოლო მანქანები რუსეთიდან სომხეთში საქართველოს საჰაერო სივრცის გავლით მოხვდა, თუმცა ისინი რუსულ თვითმფრინავებს არ გადაუტანიათ, სომხეთის სამხედრო-საჰაერო ძალების კუთვნილმა სატრანსპორტო Ил-76ТД-მა გადააფრინეს.

საერთოდ, "ტორის" ტიპის საზენიტო-სარაკეტო კომპლექსი საბჭოთა
არმიამ შეიარაღებაში ჯერ კიდევ 1986 წელს მიიღო, მაგრამ საბჭოთა ვარიანტისგან განსხვავებით, რომელიც მუხლუხებიან გამწევზე იყო დამონტაჟებული, სომხების "საახალწლო საჩუქარი" მოდერნიზებულ Тор-М2КМ-ს წარმოადგენს და რვაბორბლიან "კამაზზეა" "ამხედრებული".
სომხურმა თვითმფრინავმა ქართული ცის გავლით ერევანში ეს რუსული "ტორები" ჩაიტანა
სომხეთისთვის ეს მნიშვნელოვანი შენაძენია, რადგან მოდერნიზებული "ტორი" განკუთვნილია არამარტო თვითმფრინავებისა და შვეულმფრენების დასაზიანებლად, არამედ უპილოტო საფრენი აპარატებისა და თვით
ზეზუსტი ფრთოსანი რაკეტებისა და მართვადი ბომბების ჩამოსაგდებად.

იმის გათვალისწინებით, რომ აზერბაიჯანულმა არმიამ ისრაელისგან დიდი რაოდენობით შეიძინა უპილოტო "კამიკაძე" საფრენი აპარატები, რუსული "ტორები" მათ მოსაგერიებლად სომხებს ნამდვილად გამოადგებათ.

მართალია, მოდერნიზებული "ტორის" მოქმედების არეალი ძალინ დიდი არ არის - ის მხოლოდ 16 კმ-ის რადიუსში და 10 კმ სიმაღლემდე მოქმედებს, მაგრამ შეუძლია ავტომატურ რეჟიმში სროლა, თანაც რაკეტების გამშვები მანქანის მოძრაობის დროს. საჭიროების შემთხვევაში ამწეს შეუძლია "ტორის" მოდული "კამაზის" ძარიდან მიწაზე ჩამოიღოს და ის სტაციონალურ საჰაერო თავდაცვის საშუალებად იქცევა.
"ტორიდან" საზენიტო რაკეტის სტარტი
სომხეთის პრემიერმა საიდუმლოების მომიზეზებით, არ დააკონკრეტა თუ რამდენი "ტორი" გამოუგზავნა რუსმა "თოვლის პაპა" - პუტინმა საახალწლოდ, თუმცა სომხეთში ძალიან კარგად მოეხსენებათ, რომ იმავე პუტინმა არანაკლებ ასეთივე ათი "ტორი" მეზობელ აზერბაიჯანს ჯერ კიდევ სამი წლის წინ მიჰყიდა...

აი, მეორე რუსული საახალწლო "საჩუქარი",  ორი მრავალფუნქციური გამანადგურებელი Су-30СМ, რომელთა ფრთებსა და კილებზე სომხეთის სამხედრო-საჰაერო ძალების ნიშნებია გამოსახული, ირკუტსკის საავიაციო ქარხნიდან 19 დეკემბერს გამოფრინდა.

ორადგილიანი მრავალფუნქციური, ანუ რომელსაც ჰაერშიც ბრძოლაც შეუძლია და მიწასა თუ წყალზე ზუსტი წერტილოვანი საჰაერო დარტყმების მიყენებაც, უკვე დიდი სიახლეა სამხრეთ კავკასიის რეგიონისთვის, მითუმეტეს, რომ Су-30СМ -ის საბრძოლო მოქმედების რადიუსი 1 500 კმ-მდეა, ხოლო მაქსიმალური საბრძოლო დატვირთვა რვა ტონამდე საერთო მასის საავიციო ბომბებსა და რაკეტებს,როგორც მართავად ისე უმართავს, შედგენს.
Су-30СМ-ი სომხეთის განმასხვავებელი ნიშნებით
ეს კი იმას ნიშნავს, რომ ერევნიდან აფრენილი სომხური Су-30СМ -ები თავისუფლად "დაფარავენ" მთლიანად სამხრეთ კავკასიას და საზღვო სამიზნების დაზიანებაც კი შეეძლებათ, როგორც კასპიის, ისე შავი ზღვის აკვატორიებში...

სომხეთმა რუსეთისგან ოთხი Су-30СМ იყიდა, თუმცა ეს შეძენა მაინც რუსული კრედიტით მოხდა, თანაც იმ შემცირებული ღირებულებით, როგორითაც თავად რუსეთის არმია ყიდულობს, ასე რომ, მაინც რუსულ "საახალწლო საჩუქრად" შეიძლება ჩაითვალოს...

ბლოგში გამოთქმული მოსაზრებები ეკუთვნის ბლოგერს, რომელსაც შესაძლოა რედაქცია არ ეთანხმებოდეს






მკითხველის კომენტარი (28)
alex.f da followerebo
09 იანვარი 2020 14:57
რუსEთის ორბიტაზე დაბრუნება არავის გვინდა და არც არასოდეს გვდომებია, მაგრამ რამდენად რელურია მთვარისთვის ორბიტის შეცვლა და მარსის ორბიტაზე გადანაცვლება?! თუმცა ჩვენსას მივაწვეთ და რა გამოვა ვნახოთ, მაგრამ ძაან ზედმეტ ილუზიებში და მოლოდინებში ნუ ვიქნებით რომ დიდ ფრუსტრაციებში არ ჩავვარდეთ.
????
08 იანვარი 2020 11:46
Alex.F მადლობა, კარგი კომენტარია
batumeli
25 დეკემბერი 2019 12:44
საქართველოს აშშე და დასავლეთი ვერაფრით დაეხმარება-2008 წელი იყო ამის ნათელი დადასტურება და ღმერთმა ნუ ქნას რაიმე თუ მოიმოქმედა რუსეთმა ჩვენს წინააღმდეგ ეგ მილიონი კი არა ტრილიონიც არ უშველის საქართველოს. მაგ მილიონებიდან პროცენტი კონგრესმენ ამერიკელ მაფიოზებს რჩებათ, როგორც მიშას დროს.ფული თეთრდება დახმარებას სადმე ხედავთ-აღშფოთება შეშფოთების გარდა !?
Alex.F
24 დეკემბერი 2019 14:40
გიორგი-ს:გასაგებია შენთვის მზე საიდანაც ამოდის,მაგრამ ნუ დემაგოგობ და საზოგადოება ნუ შეგყავს შეცდომაში!!! საქართველოს ჰყავს ჯარი და აქვს შეიარაღება და პატივი ეცი მას!!! რაც შეეხება სომხურ-აზერბაიჯანულ შეიარაღებას გეტყვი,რომ რუსეთის ნების გარეშე ვერც ერთი ვერ განაახლებს სამხედრო კომფლიქტს,სწორედ შეიარაღების ასეთი რაოდენობით მიწოდებით ორივე მხარეზე ჰყავს რუსეთს ყურებით დაჭერილი ორივე მხარე,ასე რომ არ ვისურვებდი მათ ადგილას ყოფნას!!!ხოლო რაც შეეხება თავად რუსეთს,მას დიდი დღე არ უწერია!!!რუსეთს არ აქვს არც სამხედრო,არც ფინანსური,არც ტექნოლოგიური,არც ინტელექტუალური და არც ადამიანური რესურსი იმისათვის რომ შეძლოს ტერიტორიული მთლიანობის დაცვა და ეკონომიკური წინსვლა!!!საქართველო კი აუცებლად გახდება დასავლური ცივილიზაციის ღირსეული წევრი,იმიტომ,რომ ეს არის ქართველი ერის აბსოლუტური უმრავლესობის ნება!!!საქართველო აღარასდროს დაბრუნდება რუსულ ორბიტაზე!!!
ზვიად
24 დეკემბერი 2019 14:19
რატო გგონიათ რომ ჩვენი მოკავშირე ამერიკა არ გვეხმარება? 132 მილიონია გაწერილი 2020 წლის ბიუჯეტში საქაეთველოს დასახმარებლად
ნოდარი
24 დეკემბერი 2019 12:32
ე. ი. სომხები და აზერები მალე დასცხებენ ერთმანეთს? ჩვენ უბედურები კოზაკებივით გავიჭყლიტებით, იმიტომ გვეუბნება ალბათ მამა მარჩენალი, გაიქეცით აქედანო, მაგრამ რომ არ ვუჯერებთ? ისე, ეს პაშინიანი როგორ სომხურად იღიმება, შუბლშეკრული...
გიორგი
24 დეკემბერი 2019 11:29
აგერ რუსეთი ამარაგებს თავის სტრატეგიულ პარნიორს უამრავი იარაღით.
ჩვენი სტრატეგიული პარტნიორები მარტო ნოტებს გვიგზავნიან დემოკრატიაზე და ლიბერალიზმზე.
ხო კიდე ინსპექტორებს ქუთაისის აეროპორტში
achi
24 დეკემბერი 2019 09:53
სალომეს კითხე!
zaza
24 დეკემბერი 2019 09:34
ამერიკის შეერთებული შტატები და ცივილიზებული სამყარო არ დაუშვებს რუსეთის პარპაშს, პუტინის საცეცები იკვეცება ნელ-ნელა, 200-250 წლის შემდეგ რუსეთი დაიშლება მარტივ მამრავლებად და საქართველო გახდება ევროპის განუყოფელი ნაწილი
ელგუჯა
24 დეკემბერი 2019 09:13
ჩვენ არ ჯარი გვყავს და არც იარაღი გვაქვს-სალომეს მწარე სიმართლე.

რუბრიკის სხვა სიახლეები
იცავთ თუ არა ზედმიწევნით სპეციალისტების მიერ კორონავირუსის წინააღმდეგ შემუშავებულ რეკომენდაციებს?
თქვენი აზრი მნიშვნელოვანია!
იცავთ თუ არა ზედმიწევნით სპეციალისტების მიერ კორონავირუსის წინააღმდეგ შემუშავებულ რეკომენდაციებს?