პუტინი რუსეთის არმიის მთავარ ტაძარში ფრესკაზე გამოსახეს...
პუტინი რუსეთის არმიის მთავარ ტაძარში ფრესკაზე გამოსახეს...
ფოტო:პუტინისა და მისი ამალის ფრესკა რუსეთის არმიის მთავარ ტაძარში დასრულების ეტაპზეა
ამ კორონავირუსის პანდემიის გამო, ადამიანების ფიქრი ძირითადად ერთ მიმართულებაზეა კონცენტრირებული, როგორ გადავურჩეთ ვირუსს, ისე, რომ მანამდე ამ თვითიზოლაციამ არ გაგვაგიჟოს, მაგრამ თურმე მსოფლიოში კიდევ ხდება ისეთი რამეები, რომლებიც აშკარა-დაუჯერებლის რანგში გადის.
გულზე ხელი დაიდეთ და აღიარეთ, ვინმე წარმოიდგენდით, რომ მართლმადიდებელ ქრისტიანულ ეკლესიაში შესულს, ტაძრის კედელზე გამოხატული ფრესკიდან თვით...რუსეთის პრეზიდენტი პუტინი გადმოგხედავდათ?
2011 წელს სანკტ-პეტერბურგის ქუჩებში 'პუტინი-ანგელოზი' უკვე იწონებდა თავს...
არადა, 2020 წლის 9 მაისს, ფაშისტურ გერმანიაზე გამარჯვების 75 წლის პომპეზურად აღნიშვნისთვის, მოსკოვის სიახლოვეს, კუბინკის პარკში "პატრიოტი" გაიხსნება რუსეთის
შეიარაღებული ძალების მთავარი ქრისტიანული ტაძარი - ქრისტეს აღდგომის ტაძარი, რომლის სიმაღლე 95 მეტრი იქნება და მასში ლოცვა ერთდროულად 6 ათასამდე ადამიანს შეეძლება.
რუსეთის თავდაცვის მინისტრი შოიგუ ამ ტაძრის აშენების მთავარი ინიციატორია და ალბათ, თავისი თავის 'უკვდავყოფაც' მოინდომა...
რუსეთში, რომ გრანდიოზული პროექტების განხორციელება სურთ, ეს გასაგებია, მაგრამ ამ ტაძარში სალოცავად შესულებს დიდი სიურპრიზი მოელით-მათ ფრესკის სახით ზემოდან თავად რუსეთის პრეზიდენტის, პუტინის
პორტრეტი გადმოხედავთ და თანაც თავდაცვის მინისტრის შოიგუს და რუსეთის დღევანდელი ხელმძღვანელების სხვა სახეებთან ერთად...

ქრისტიანული ტაძრის კედლებზე წმინდანების გვერდით რუსეთის პრეზიდენტისა და კრემლის სხვა, დღევანდელ ბინადართა გამოსახვამ, თავად რუსეთის იმ მოსახლეობაშიც გამოიწვია ზიზღი, ვინც ეს ახალი ინფორმაცია 24 აპრილს პირველად შეიტყო და მოასწრო კომენტარების დადება სოციალურ ქსელებში.
რუსული არმიის მთავარი ტაძარი სიდიდით მესამე იქნება რუსეთში
ისე, როგორც ირკვევა, ეს პირველი შემთხვევა როდია, როდესაც პრეზიდენტ პუტინის წმინდანებთან "მიახლოებას" ცდილობენ მისი მოლაქუცე ქვეშერდომები-ჯერ კიდევ 2011 წლის მაისში, სანკტ-პეტერბურგის დღესთან დაკავშირებით, ქალაქის ქუჩებში გამოაკრეს პლაკატები, რომლებზეც პეტროპავლოვსკის ციხესიმაგრის მფარველი ანგელოზი იყო აღბეჭდილი, რომლის სახეც ძალიან მოგაგონებდათ, შედარებით ახალგაზრდა პუტინს...

ბლოგში გამოთქმული მოსაზრებები ეკუთვნის ბლოგერს, რომელსაც შესაძლოა რედაქცია არ ეთანხმებოდეს

ირინა
25 მაისი 2020 07:48
საიდუმლო სერობაზე იუდაცაა გამოსახული.

რუბრიკის სხვა სიახლეები
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები