IBTimes - "სუსტი პარტიების ფონზე, საქართველოში ერთადერთი ძლიერი ინსტიტუცია ეკლესიაა"
IBTimes - "სუსტი პარტიების ფონზე, საქართველოში ერთადერთი ძლიერი ინსტიტუცია ეკლესიაა"
"ქართული პოლიტიკის დინება: საით მიდის პრემიერ-მინისტრი ბიძინა ივანიშვილი", - ამ სათაურით აქვეყნებს ბრიტანული გამოცემა IBTimes (International Business Times) უმბერტო ბაკის სტატიას საქართველოზე.

როგორც სტატიის ავტორი აღნიშნავს, რომ საპრეზიდენტო არჩევნებამდე ოთხი თვით ადრე, საქართველო ხელისულებისთვის ბრძოლაში ჩაერთო და დასავლეთსა და რუსეთს შორის იხლიჩება.

"როცა საქართველოს ერთ-ერთ რეგიონში პოლიტიკური ოპონენტების შესახებ ხელნაწერი ფაილები, გაუპატიურებისა და წამების ამსახველი ვიდეოები, ასაფეთქებელი მოწყობილობები და ჰეროინი აღმოაჩინეს, შინაგან საქმეთა მინისტრმა განაცხადა, რომ იარაღის საიდუმლო სამალავი სააკაშვილის
მთავრობის ძალადობრივი პოლიციური რეჟიმის უსაფრთხოების სამსახურებს ეკუთვნოდათ", - წერს უმბერტო ბაკი და დასძენს, რომ ხელისუფლებამ ხელი კონკრეტულად ერთი ადამიანისკენ – ყოფილი შინაგან საქმეთა მინისტრსა და სააკაშვილის უახლოეს მოკავშირე ვანო მერაბიშვილისკენ გაიშვირა.

როგორც სტატიის ავტორი აღნიშნავს, მერაბიშვილი უკვე გისოსებს მიღმაა, მაგრამ სამეგრელოში აღმოჩენილი იარაღის საიდუმლო სამალავი
მის წინააღმდეგ დამატებითი ბრალდებაა.

"ამ ბრალდებებს ძირითადად პოლიტიკურად მოტივირებულად მიიჩნევენ. მერაბიშვილი, რომელიც ერთ დროს საქართველოში რიგით მეორე ყველაზე გავლენიანი ფუგურა იყო, ერთ-ერთია იმ ათეულობით მაღალჩინოსანს შორის, რომლებიც ხელისუფლების შეცვლის შემდეგ დააკავეს", - აღნიშნავს ბრიტანული გამოცემის ავტორი და დასძენს, რომ ოქტომბერში გამართული არჩევნების შედეგებმა დაძაბული დაპირისპირება წარმოშვა ივანიშვილსა და სააკაშვილს შორის.
სტატიაში ასევე ნათქვამია, რომ პრემიერ-მინისტრი უარს აცხადებს ოპონენტებთან საუბარზე, თუმცა მისი ხისტი პოზიცია, პოლიტიკურად მოტივირებული დაკავებები და ხელისუფლების არც თუ ისე "სუფთა" განაწესი, საფრთხეს უქმნის სააკაშვილის მთავარ მემკვიდრეობას - თბილისის დასავლეთისკენ სვლის გამყარებას.
სტატიის ავტორი ასევე აღნიშნავს, რომ სააკაშვილის მმართველობისას ქვეყანა საგრძნობლად განვითარდა – აშენდა მრავალსართულიანი სასტუმროები, თანამედროვე შენობები, განახლებული ბათუმი იზიდავდა უამრავ ტურისტსა და უცხოელ ინვესტორებს, მათ შორის იყო ამერიკელი მილიარდერი დონალდ ტრამპი, ვინც თავად სტუმრობდა ბათუმს, სადაც "ტრამპ თაუერი" უნდა აეშენებინა. საქართველო ასევე დაწინაურდა მსოფლიო ბანკის რეიტინგში.

"თუმცა, მიუხედავად ახალი ინვესტიციებისა და სამშენებლო ბუმისა, ბევრი ქართველი საკუთარი ცხოვრების გაუმჯობესებას ვერ გრძნობდა. ქვეყნის გადასავლურებასთან და სააკაშვილის სურვილთან "საქართველო შვეიცარიად ექცია სინგაპურის ელემენტებით" ერთად, მას ავტორიტარიზმში ადანაშაულებდნენ და მის მიმართ კრიტიკამ იმატა, მის მხარდამჭერთა შორისაც კი", - წერს უმბერტო ბროკი.
როგორც სტატიაშია ნათქვამი, მიუხედავად ასეთი რეპუტაციისა, სააკაშვილმა არჩევნებში მარცხი სწრაფად აღიარა, ივანიშვილის ხელისუფლაში მოსვლიდან პირველ რვა თვეში მომხდარმა ეპიზოდებმა დასავლელი დამკვირვებლების მხრიდან მის მიმართ შეშფოთება გაზარდა.

"საქართველოს მმართველი კოალიცია "ქართული ოცნების" ჭრელი შემადგენლობა, რომელთა შორის არიან ისეთები, ვისაც შევარდნაძის პოსტ-საბჭოთა ერის ნოსტალგია აქვთ, ივანიშვილს დიდ ფორას აძლევს, თუმცა კოალიცია ასევე გამოირჩევა პოლიტიკური კოორდინაციის პრობლემებითა და ხშირად სუსტი მმართველობითაც", - წერს უმბერტო ბაკი და დასძენს, რომ ქვეყანაში, სადაც მძღოლები ეკლესიისთან ყოველი გასვლისას პირჯვარს იწერენ, შეუძლებელია, არ აღნიშნო ამ ინსტიტუციის ძალა.

სტატიაში ასევე ნათქვამია, რომ მერაბიშვილის დაკავებამ დასავლეთთან ურთიერთობების გაცივება და ივანიშვილის დასავლური კურსის შესახებ ეჭვები გამოიწვია.

"თუმცა, ივანიშვილმა უარყო სააკაშვილისა და მისი მოკავშირეების წინააღმდეგ "კუდიანებზე ნადირობის" გაჩაღება, მაგრამ აღნიშნა, რომ პოსტის დატოვების შემდეგ, არ არის გამორიცხული, პრეზიდენტიც დააკავონ", - წერს უმბერტო ბაკი და აღნიშნავს, რომ წინა ხელისუფლებისგან განსხვავებით, საქართველოს ახალმა პრემიერ-მინისტრმა რუსეთთან ურთიერთობების აღდგენის პირობაც დადო.

"ივანიშვილის ქმედებები სრულად ეწინააღმდეგება წინამორბედის ქმედებებს. როცა რუსმა სამხედროებმა 300 მეტრით გადმოწიეს ღობეები სამხრეთ ოსეთის სადავო ტერიტორიის საზღვარზე, ივანიშვილის პასუხი იყო, რომ მოსკოვის ქმედებების კრიტიკისთვის მიზეზი არ არსებობდა – დავიცადოთ და ვნახოთ, რა მოხდებაო",
- წერს ბრიტანელი ჟურნალისტი.

სტატიაში ასევე ნათქვამია, რომ საპრეზიდენტო არჩევნებამდე ოთხი თვით ადრე, "ქართული ოცნების" დროშები კლავაც ფრიალებს სახლების თავზე. მაგრამ იმ შემთხვევაშიც კი, თუ გამარჯვებას მათი საპრეზიდენტო კანდიდატი გიორგი მარგველაშვილი მოიპოვებს, ეს მაინც არ არის სტაბილურობის გარანტი.

"კოალიცია ივანიშვილისა და მისი ფულის გარშემოა გაერთიანებული. თუმცა, ცოტა ხნის წინ პრემიერ-მინისტრმა განაცხადა, რომ არჩევნების შემდეგ პოლიტიკიდან წავა. თუ პრემიერი დანაპირებს შეასრულებს, მაშინ ის პოლიტიკურად დანაწევრებული საქართველოს დატოვებას რისკავს, რომელსაც დასავლეთი არ ენდობა. სააკაშვილს კი, რომელსაც კონსტიტუციით მესამე ვადით არჩევა არ ეკუთვნის, ივანიშვილის გადადგომით გამოუწვეული უპირატესობის ხელში ჩაგდება გაუჭირდება, რადგან საკუთარი პარტიის აღდგენა, ფაქტობრივად, ნულიდან მოუწევს ისევე, როგორც ბრძოლა თავი არიდოს მისი ციხეში გამომწყვდევის ნებისმიერ მცდელობას. ციხეში, რომელიც მისი რეჟიმის დროს ასეთი ცნობილი გახდა. როგორც ჩანს, ერთადერთი ძლიერი ინსტიტუცია ეკლესიაა, რომელიც სავარაუდოდ, ამ მომენტით ისარგებლებს. ამასობაში კი კრემლი ყურადღებით აკვირდება მოვლენებს", - წერს უმბერტო ბაკი.

glaxuna
11 ივლისი 2013 03:17
ვახ ახალი გენიოსი გამოვიდა ...


მე ვბოდავ ?!!! და ,,ოცნების,, მთავრობის ხალხმა ხო გააკვირვეთ მთელი ევროპა და ცივილიზებული სამყარო უკვე...და ახალ-ახალი კანონებით...კანონი პრეზერვატივების შესახებ არ იკმარენ,მერე ჩოხებით,ახლა კოცნაზე და დალევაზე ჯარიმებიო ...დანარჩენი პრობლემები ხო მოაგვარენ და მოაგვარენ ?!!!
არჩევნებში გამოჩნდება ვინ ბოდიალობს!!!


ისე დათო ... ,,ნაციონალებისების,, არც ერთ მიტინგზე არასოდეს ვყოფილვარ!!!...თავის დროზე ზვიადისტებიო, ასე მოგვმართავდნენ...ახლა ,,ნაციონალი ხარო ?!!! ... ოღონდ ,,მეოცნეებები,, ნუ გახდებით რუსების მონები და ...
dato
09 ივლისი 2013 23:52
glaxuna რეებს ბოდავ თუ იცი აღარ გაჩერდები, მართლა რა მონა ყოფილხარ ა მ ნაცების.
datiko48
09 ივლისი 2013 20:15
როდესაც ზოგიერთების კომენტარს ვკითხულობ,მაგონდება გომელაურის ლექსი-"გლოვა",გააზრებული სამშობლოს სიყვარულზე!-"ვეღარ აღვიქვამ მე იმ სიხარულს,/როდესაც ყალბი შეწყდება გლოვა/თან წაუტირებს,თან გაიღიმებს,/შვილი რომელიც საფლავზე მოვა,/მოვა დაჯდება,მოწევს და წავა,/იქ კი იგივე დარჩება ჰავა!"ასეა, ჰავა დარჩა იგივე და ჩვენ შევიცვალეთ და წაგვეშალა უმრავლესობას სიყვარულის და მოფერების გრძნობა!

რუბრიკის სხვა სიახლეები
რომელი საარჩევნო სისტემაა თქვენთვის მისაღები ყველაზე მეტად?
თქვენი აზრი მნიშვნელოვანია!
რომელი საარჩევნო სისტემაა თქვენთვის მისაღები ყველაზე მეტად?
თვის კითხვადი სტატიები