"სტუმართმოყვარეობამ უკან, საქართველოში დამაბრუნა" - ინგლისელი მოგზაურის შთაბეჭდილებები
"სტუმართმოყვარეობამ უკან, საქართველოში დამაბრუნა" - ინგლისელი მოგზაურის შთაბეჭდილებები
"თუ თქვენ კავკასიაში მხოლოდ ერთი ქალაქის ნახვა გინდათ, მაშინ საქართველოს დედაქალაქს უნდა ეწვიოთ"

25 აგვისტოს ბრიტანულ გამოცემა "გარდიანში" გამოქვეყნდა სტატია, რომელშიც გადმოცემულია მოგზაურ ვუდ ლევინსონის შთაბეჭდილებები კავკასიის რეგიონში ყოფნის დროს (ავტორი - რეიჩელ დიქსონი, "გარდიანის" კორესპონდენტი).

ჟურნალისტთან საუბრისას ვუდ ლევინსონი აღნიშნავს, რომ მან მოგზაურობა სოჭიდან, რუსეთიდან დაიწყო, იყო ჩეჩნეთში (გროზნოში), შემდეგ მოინახულა საქართველო, აზერბაიჯანი, სომხეთი და ირანში გადავიდა.

იგი ისხენებს წინა თავგადასავალსაც: 2004 წელს, ზაფხულში, აბრეშუმის გზის მარშრუტით საქართველოში ყოფნისას,
როცა ავტოსტოპით მოგზაურობით დაღლილი ვუდ ლევინსონი ქართველ გოჩას სახლში მიუპატიჟნია და უცნობის მიმართ ისეთი სტუმართმოყვარეობა გამოუჩენია, რომ სამი დღე არსად არ გაუშვია
.

უცნობი ადამიანისადმი ქართველი
კაცის მიერ გამოხატულმა ასეთმა თბილმა დამოკიდებულებამ ვუდ ლევინსონზე წარუშლელი შთაბეჭდილება მოახდინა და საქართველოსადმი კეთილად განაწყო. მეორე მოგზაურობისას მან თურმე კვლავ მოინახულა გოჩა, რომელსაც ძალიან გახარებია ნაცნობი ინგლისელის დანახვა.

"საქართველოში უცნობ ადამიანებს, ტრადიციულად, პატივს სცემენ. ისინი შიმშილს არასოდეს იგრძნობენ, მათ ქართველები დააპურებენ და საკვებით უზრუნველყოფენ. საერთოდ, ქართული საჭმელები საოცარია: უგემრიელესი ხაჭაპური, ასევე სასიამოვნო ქართული ღვინო. მოგზაურობის დროს მე ყველგან მიცხოვრია - მწყემსებთან ერთად, გამოქვაბულებში, სახლებში და ცოტა უცნაურ სასტუმროებშიც...", - ამბობს ვუდ ლევინსონი კორესპონდენტთან საუბარში. იგი აღწერს საქართველოს ეთნიკურ და კულტურულ მრავალფეროვნებას, მდიდარ ბუნებრივ ლანდშაფტს, ბუნების პეიზაჟს...
"საქართველოსა და აზერბაიჯანში ბევრი კარგი სასტუმროა, მაგრამ მათში დასავლელი ტურისტები შედარებით ნაკლებია", - ამბობს იგი.

ინგლისელი მოგზაური საუბრობს სპეციფიკურ შთაბეჭდილებებზეც და მკითხველებს ერთგვარ რჩევა-დარიგებას აძლევს:
"რუსეთ-ირანში ყოფნისას არაა გამორიცხული საიდუმლო პოლიციის თვალთვალი. თუ თქვენ კავკასიაში მხოლოდ ერთი ქალაქის ნახვა გინდათ, მაშინ საქართველოს დედაქალაქს უნდა ეწვიოთ. თბილისი ბოლო ათწლეულში საოცრად შეიცვალა - დიდი ისტორიის მქონე ქალაქი მომავლისაკენ მიილტვის. თბილისში ძალიან ბევრია წარსულის ღირსშესანიშნაობები, მაგალითად, ძველი ციხე-სიმაგრე ნარიყალა, ქალაქის ძველი უბნები, სადაც მრავლადაა კაფეებიც, შეგიძლიათ მშვენიერი ყავაც მიირთვათ. მთების მოყვარულებს შეუძლიათ ერთი დღით გუდაურსაც ეწვიონ -  ზამთრის სამთო-სათხილამურო კურორტს".

ვუდ ლევინსონი საუბრობს აგრეთვე ჩეჩნეთში და ირანში ყოფნის შთაბეჭდილებებზეც: "გროზნო 1990-იანი წლების რუსეთთან ომის შედეგად მთლიანად დანგრეული იყო, მისი აღდგენა ნულისაგან დაიწყო, დღეს კი დუბაის ჰგავს... ირანში დავაკვირდი, თუ როგორ იცვლება ქვეყანა თანამედროვე ტექნოლოგიების წყალობით - მიუხედავად იმისა, რომ ისლამური ხელისუფლება "ფეისბუკისა" და "ტვიტერის" აკრძალვას ცდილობს".

პუბლიკაციას თან ახლავს თბილისის ღირსშესანიშნაობების ამსახველი ფოტოსურათები.

იხილეთ ასევე: "ნუ წახვალათ, გეთაყვა, საქართველოში ეს 5 რამ თუ ვერ გაიგეთ" - რჩევები ამერიკელი მოგზაურისგან


წყარო


მოამზადა სიმონ კილაძემ

nini
26 იანვარი 2018 11:46
საყვარელო ნატალი,მე ბევრი ვიცი უცხოეთში წასული,რომელთაც იდეალურად ააწყვეს საკართველოში ცხოვრების ყველა პირობა, მაგრამ არ უნდათ დაბრუნება.25 წელი ,რომ ოჯახს არ ნახავ ამას რა ჰკვია? გადაგვარება.ასეთები, ალბათ არც უნდა დაბრუნდნენ.პიროვნებას .ვისაც შვილები და შვილიშვილები წლებია არ უნახვს ნუ მოთხოვ სამშობლოს სიყვარულს. მათთვის ეს მცნება აღარ არსებობს,რაც ძალზედ სამწუხაროა,რამეთუ,კართველისთვის სამშობლოდან გადახვეწა მომაკბდინებელ 'ნოსტალგიას'.გთხოვთ, არ დაბლოკოთ. მადლობა.
natali
26 აგვისტო 2017 17:13
ეჭვიც არ მეპარება,რომ ყოველივე ზემოთთქმული სიმართლეა!მაგრამ,რატომ გარბის ხალხი აქედან,და ბევრი არც აპირებს აქ დაბრუნებას?!მე ,პირადათ,დავბრუნდი,რადგან ძალიან მიყვარს საქართველო .

რუბრიკის სხვა სიახლეები
როგორ შეაფასებთ  იმ მაჟორიტარების პოზიციას, რომლებიც მხარს არ უჭერენ პროპორციულ საარჩევნო სისტემაზე გადასვლის კანონპროექტს?
თქვენი აზრი მნიშვნელოვანია!
როგორ შეაფასებთ იმ მაჟორიტარების პოზიციას, რომლებიც მხარს არ უჭერენ პროპორციულ საარჩევნო სისტემაზე გადასვლის კანონპროექტს?
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა