სამეგრელოში ავარიას 4 ადამიანი ემსხვერპლა
ჩხოროწყუს რაიონის სოფელ მუხურში, ლუგელას ხეობაში ავტოსაგზაო შემთხვევას 4 ადამიანი ემსხვერპლა.
"ინტერპრესნიუსის" კორესპონდენტის ინფორმაციით, „კამაზის“ მარკის ავტომანქანის მძღოლმა საჭე ვერ დაიმორჩილა, რის შედეგადაც კლდეს შეეჯახა და ამობრუნდა. მასში სულ 11 ადამიანი იმყოფებოდა.
დაღუპულთაგან 2 ეროვნული სატყეო სააგენტოს თანამშრომელი, 1 კი ჩინური კომპანიის წარმომადგენელია, რომელიც ხეობაში ხე-ტყის მოპოვების სამუშაოებითაა დაკავებული, ხოლო კიდევ 1 დაღუპული ადგილობრივი ტრაქტორისტი იყო.
რაც შეეხებათ დაშავებულებს, 2 ადამიანი, რომელიც ასევე სატყეო სააგენტოს თანამშრომელია, ზუგდიდის საავადმყოფოს რეანიმაციულ განყოფილებაშია მოთავსებული, დანარჩენებს კი შედარებით მსუბუქი დაზიანებები აღენიშნებათ.