პოლიტიკურ-საზოგადოებრივი განცხადებები
ვარ 23 წლის გოგო, მაღალი, ქერა, ცისფერთვალება. მაქვს კარგი მკერდი, სწორი ფეხები. მინდა დავიწყო მუშაობა რომელიმე სამინისტროში საზოგადოებასთან ურთიერთობის სამსახურის უფროსად. მაქვს სამუშაო გამოცდილება - ვმუშაობდი ერთ-ერთი მაღალჩინოსნის მდივნად.
***
ქირავდება ფართი საოფისედ, იაფად. მეუღლე მუშაობს მუნიციპალიტეტში, მყავს შვილები, ამიტომ "ქართული ოცნების" წევრები ნუ გამომეხმაურებიან.
***
სამუშაოდ ვიწვევთ ჟურნალისტებს მიტინგების გასაშუქებლად. აუცილებელი მოთხოვნაა: კარგი მეტყველება, ინგლისურის ცოდნა და მათემატიკის არცოდნა.
***
ვარ პროფესიონალი მსახიობი. ვეძებ სამსახურს. შესრულებული მაქვს როლები: ოტელო (მოსკოვის დიდი თეატრი), ჰამლეტი (ლონდონის სამეფო თეატრი), რიჩარდი III (უოლ სტრიტის თეატრი) და მუშა და ავადმყოფი (გურჯაანის ცენტრალური საავადმყოფო).
***
იაფად და ხარისხიანად ვცვლი კონსტიტუციას. მისამართი: თბილისი, რუსთაველის #8. ან ქუთაისი, ავტომშენებლის #1.
***
იყიდება მიწის ნაკვეთი საქართველო-აზერბაიჯანის საზღვართან, ან იცვლება მარნეულში მცხოვრები აზერბაიჯანელების ხმებზე. მსურველებმა მიაკითხეთ "ნაციონალური მოძრაობის" ნებისმიერ ოფისს.
***
გამოცდების ეროვნული ცენტრი აცხადებს ვაკანსიას. სამსახურში მიიღება პირი, რომლის შვილი არ ყოფილა 27 მაისის აქციაზე და უცხოეთში მცხოვრებ დედმამიშვილს არ გამოუცხადებია სოლიდარობა "ქართული ოცნებისთვის".
***
ნუგზარ წიკლაურის სახელობის რუსეთის აგენტების ამოსაცნობი სასწავლებელი აცხადებს მოსწავლეთა მიღებას შემდეგ სპეციალობებზე:
1) ბიძინათმცოდნეობა;
2) შერჩევითი სამართალი;
3) მონოპოლისტიკა (დეკანი დ. კეზერაშვილი).
***
შემოდგომის აუქციონზე გასაყიდად გამოტანილი იქნება შემდეგი ლოტი: XVI საუკუნის ხელით ნაქსოვი ხალიჩა, XVIII საუკუნის ოქროს ხანჯალი და დეპუტატთა ე.წ. ,,ტროიკა" (გიგი წერეთელი, ხათუნა გოგორიშვილი და მიხეილ მაჭავარიანი).
***
მხოლოდ ერთი დღით თბილისის მერიაში! გრანდიოზული ტენდერი! მონაწილეობენ: გიგი და მეგობრები. მობრძანდით და უყურეთ.