"დაკოდილი ძაღლი"
გომბორელ ლადო ქისტაურს მსუნაგი ძაღლი ჰყავდა, რომელიც ქათმებს ჭამდა. ლადომ თოფი ესროლა, მაგრამ ვერ მოკლა, დაჭრა, ანუ
როგორც მთის ხალხი იტყვის, - "დაკოდა". ამ სიტყვას იმერეთში სხვა დანიშნულება აქვს და მამრის ფუნქციაწართმეულს ნიშნავს. იმ მოკლე ხანში ლადოს სტუმრად იმერეთიდან მამიდაშვილი ეწვია. ეზოში ძაღლი გამოჩნდა. სტუმარი შეკრთა, თუმცა ლადომ გაამხნევა: - ნუ გეშინია ვაჟა, ეგ ძაღლი ვერას დაგაკლებს, დაკოდილია. ძალიან გაუკვირდა სტუმარს: - დაკოდილი რომ არ იყოს, კბენის გარდა, სხვა რამესაც შვრებოდა?!
რომან ზუკაკიშვილი, საგარეჯო