შინმოუსვლელთა სტენდი
24-06-2013
შინმოუსვლელთა სტენდი
ეს ამბავი დიდი ხნის წინ მოხდა, როცა ყველა სოფელში შინმოუსვლელთა სტენდებს დგამდნენ. ჩემს სოფელშიც დაიწყო სამზადისი. თავმჯდომარე ლადიკო დიდი გულმოდგინებით აგროვებდა სამამულო ომში დაღუპულ თუ დაკარგულ თანასოფლელთა სურათებს, თვითონაც ნაომარი იყო, ამიტომ თავდაუზოგავად მუშაობდა. იქ, სადაც სტენდი კეთდებოდა, სოფლის "ბირჟა" იყო, ტარიელი კი - "ბირჟის" მუდმივი წევრი. რა თქმა უნდა, იმ დღესაც იქ იყო, როცა სტენდის ხარაჩოზე ასული ლადიკო სურათებს აკრავდა.

- მოდი, ბიჭო, ტარიელა, მომეხმარე, - ჩამოსძახა ხარაჩოდან ლადიკომ.
აგერ, მამაშენის სურათს ვაკრავ, არ გიხარია?
- ეე, ლადიკო ბიძია, მაგი რა სასიხარულოა, მამაჩემი რომ აკრავდეს შენს სურათს, სიხარული მაშინ გენახა შენ! - უპასუხა ტარიელმა.

შოთა ბ-ძე. თერჯოლა
svani
25 ივნისი 2013 16:58
ამას ხელათვე მეორე ამბავი მოყვა ამ ძეგლს გამოცდები თუ არა ქართლის დედადის ძეგლი დგას ადრე ეს ძეგლი სხვაგან იდგა და ხელში თასიც ეჭირა მაგრამ მერე არეულობის დროს ავრომატის ჯერით თასი მოწყვიტეს. ძეგლომანია რო დაიწყო ეს ძეგლი დმანისის რაიონის შემოსასვლელში გადმოიტანეს და ხელში თასის მაგივრად ფოთოლი დააჭერინეს
ჯარისკაცის ძეგლის შემდეგ ჩემ ჯარის ამხანაგს ეხლა ქართლის დედის უცნაური ვერსია შეხვდა და მკითხა
_ ქართლის დედაზე თასი გამიგია და ეს ფოთოლი რაღას ნიშნავს ვერ ვხვდებიო
_ ეს რაც სვანები გადმოვედით დმანისში იმის შემდეგ მტერს ხმლით ხვდება და მოყვარეს პლანით მეთქი
ამის გამგონეს თვალები გაუბრწყინდა და უკვე დამშვიდებული წამომყვა სახლში
P S არიქა დმანისში სვანებს ბევრი პლანი აქვთო არ გეგონოთ და ექსკურსიები არ მოაწყოთ ჩვენკენ ვიხუმრე ვიხუმრეეე
svani
25 ივნისი 2013 16:42
სამამულო ომის სტენდზე გამახსენდა მეც.
დმანისის რაიონში რომ შემოდიხარ ჯარისკაცის ძეგლი დგას რომელსაც ხელი აქვს წინ გაშვერილი ხოლო ძეგლის ქვევით ომში დაღუპულთა სურათებია დაკრული ამ ძეგლს რომ გამოცდები კი სვანების დასახლებაა ერთხელ ჯარის ამხანაგი დავპატიჟე რაიონში სანამ შევიდოდით დაინახა ეს ძეგლი და მკითხა
_ სვანი ამ ჯარისკაცს ხელი რომააქვს აწეული რას ნიშნავს?
_ რას და ზდექ ამის იქით სვანები ცხოვრობენ მეთქი
_ და მაშინ დაბლა სურათები რომაა გაკრული ის რაღას ნიშნავს?
_ ეგ ვინც არ გაითვალისწინა იმათი სურათებია მეთქი
ამის მერე ცოტაც დააკლდა და ჩემთან სტუმრობას გადაიფიქრებდა

რედაქტორის რჩევით