"თუ გიორგი სააკაძის შთამომავალი ხარ, მე ვინ ვარ?"
05-08-2013
"თუ გიორგი სააკაძის შთამომავალი ხარ, მე ვინ ვარ?"
ქუთაისელი ომარი და  მისი კარის მეზობელი რომანი ენაკვიმატობით ქუთაისში კი არა, მთელ იმერეთში გამოირჩეოდნენ. მეზობლები და ამავე დროს კარგი მეგობრები საღამოობით ხშირად ერთად სვამდნენ, მღეროდნენ, ხუმრობდნენ, მოკლედ, მათთან ყოფნას არაფერი სჯობდა.

მეზობლები სპეციალურადაც კი დადიოდნენ მათთან, რომ ამ ორი მახვილგონიერი კაცისთვის მოესმინათ. ერთხელაც კარგად შექეიფიანებულმა ომარმა აიჩემა, გინდა თუ არა, გიორგი სააკაძის შთამომავალი ვარ, თუ არ გჯერა, შემომხედე და მიხვდებიო. რომანს ცოტა არ იყოს, ეწყინა და გულმოსულმა ომარს ამაყად ჰკითხა:
- კარგი, დავუშვათ ხარ გიორგი სააკაძის შთამომავალი, მე ვინ ვარ მაშინ?
- შენ ხარ გიორგი სააკაძის შთამომავლის კარის მეზობელი, - არ დაიბნა ომარი და თავისი პასუხით კმაყოფილმა, გულიანად გადაიხარხარა.

ეკატერინე  ჩაკვეტაძე, ქუთაისი

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით