ანეკდოტები
- კარგი გოგო უნდა გაგირიგო.…
- დიპლომი აქვს?
- ორი: ჯავახიშვილის დიპლომიც აქვს და სამხარაულისაც.
ბავშვების დიალოგი:
- შენს მშობლებს მულტფილმების ეშინიათ?
- არა, შენსას?
- ჩემს მშობლებს ისე ეშინიათ, როგორც კი ჩამირთავენ მულტფილმებს, თვითონ საძინებელში შეცვივდებიან, გადაიფარებენ საბანს და კანკალებენ.
ბანკს ძარცვავენ. მძარცველს ნიღაბი ჩამოუვარდება, მიდის მოლარესთან და ეკითხება:
- ჩემი სახე დაინახე?
- კი.
მძარცველი ესვრის და კლავს.
- კიდევ ვინ დაინახა ჩემი სახე?
იატაკზე დაწოლილი ჭიჭიკია თავს წამოსწევს და ეუბნება:
- ჩემმა სიდედრმა დაგინახათ, ბატონო, აქედან 200 მეტრში ცხოვრობს.
ცოლი ნახევარსაათიანი ლაპარაკის შემდეგ ყურმილს დებს. ქმარი ეკითხება:
- რა იყო, ძვირფასო, საუბარი ასე მალე რატომ დაამთავრე?
- სხვაგან მოვხვდი, - პასუხობს ცოლი.
მიხო მაგარ პახმელიაზეა. შევარდა გურჯაანის გასტრონომში და ლუდი მოითხოვა.
- ვისაც თავის ცოლისდასთან საქმე არა ქონია, იმაი გაუმარჯოსო, - თქვა, მიიყუდა ბოთლი და ყლურწავს გემოზე.
ნოქარი უყურებს სიცილით.
- რა გაცინებსო, - შეუბღვირა მიხომ.
- იმაზე მეცინება, რომა წეღან შენი ქვისლი იყო და იმანაც ეგრე თქვა.