გათხოვებაზე გამწარებული
გათხოვებაზე გამწარებული
გოგი მთელი 30 წელი ერთსა და იმავე სამსახურში მუშაობდა. ისეთი კარგი სახელი ჰქონდა, ქალაქში უბინაოდ მყოფს, სამსახურის შენობაშივე მისცეს პატარა ოთახი.
50-ს გადაცილებულს ცოლი არ ჰყავდა. ნათესავები და მეგობრები ძალიან ნერვიულობდნენ და მაჭანკალს მაჭანკალზე გზავნიდნენ გასათხოვარ ქალებთან. ერთ-ერთი ასეთი ვიზიტი წარმატებული გამოდგა და მხოლოდ გოგის თანხმობაღა იყო საჭირო.

- გადასარევი ქალია, - უთხრა მაჭანკალმა, - თანახმაა, ცოლად გამოგყვეს.
- კი მაგრამ, მე რომ პატრონი არ მყავს, იცის?
- ჰკითხა გოგიმ.
- როგორ არ იცის, ვუთხარი.
- დაბალი ხელფასი რომ მაქვს, ისიც უთხარი?
- რა თქმა უნდა, რატომ დავუმალავდი?
- სახლი რომ არ მაქვს და სამსახურში ვცხოვრობ?
- ეგეც ვუთხარი, დამალვას აზრი არა აქვს...
- და მაინც თანახმაა, გამომყვეს? - გაოცდა გოგი.
- კი, თანახმაა, -
დაუდასტურა მაჭანკალმა.
- ეგ, ჩემო კარგო, გათხოვებაზე ყოფილა გამწარებული, მასეთი ქალი რად მინდა!.. - იუარა გოგიმ.

გიორგი, ქუთაისი

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

თქვენი აზრით,  მოაგვარებს თუ არა პრობლემას აზარტული თამაშების რეკლამის აკრძალვა?
თქვენი აზრი მნიშვნელოვანია!
თქვენი აზრით, მოაგვარებს თუ არა პრობლემას აზარტული თამაშების რეკლამის აკრძალვა?