ავტომობილი და პოლიტიკა
16-12-2013
ავტომობილი და პოლიტიკა
თუ ქვეყნებს ავტომობილებს შევადარებთ, ზოგი ქვეყანა "მერსედესი" იქნება, ზოგი - "ოპელი", ზოგიც - "ზაპოროჟეცი". ჩვენი ქვეყანაც ჰგავს, ალბათ, რომელიღაც ავტომობილს, მაგრამ რომელს - ჯერ ვერ დავადგინეთ, სამაგიეროდ, დაკვირვების შედეგად დავასკვენით, რომ თუ საქართველო რომელიღაც ავტომობილია, მაშინ მისი ნაწილები პოლიტიკოსები არიან. გთავაზობთ ამ პოლიტიკოსთა სიას.

მინისტრთა კაბინეტი - საწვავის ავზი, რომელიც ბენზინის იყო და 1-ელ ოქტომბერს გაზზე გადავიყვანეთ. მართალია, ისეთი გაწევა აღარ აქვს, მაგრამ სამაგიეროდ, ცოტას წვავს.

თინა ბოკუჩავა და მარიამ
საჯაია - სალონის სარკეზე ჩამოკიდებული სათამაშოები არიან. მართალია, მანქანას ისინი არ სჭირდება, მაგრამ ორივე ლამაზია და როცა ხედავ, გსიამოვნებს.

მიხეილ სააკაშვილი - გერმანიიდან ჩამოყვანილი "ოპელი". ორჯერ აქვს "ჩამოყრილი" ,,სპიდომეტრი", მაგრამ ჩვენს გზებზე შეიძლება კიდევ იმუშაოს.

ვანო მერაბიშვილი - მუხრუჭის ძველი "კალოტკებია", ადრე კარგი რომ იყო,
მანქანას აქვავებდა, მერე გაცვდა და საბარგულში ჩაყარეს.

გიორგი მარგველაშვილი - კლიმატკონტროლი. თუ აქვს მანქანას, კარგია, თუ არ აქვს, არც ეს არის პრობლემა, მაინც დადის.

ნოდარ ხადური - "შარავოი". ხმა აქვს და შესაცვლელია, მაგრამ არ იშოვება და ვერ ცვლი ჯერ.
ბიძინა ივანიშვილი - აირბაგი. არ ჩანს, მაგრამ თუ რამეს შევასკდით, მაშინვე გაიხსნება და გვიშველის.

ირაკლი შიხიაშვილი - მარჯვენასაჭიანი მანქანა. 800 დოლარს გადაიხდი და საჭეს მარცხნივ გადაიტან.

ირაკლი ღარიბაშვილი - აკუმულატორი. კარგად კი მუშაობს, მაგრამ დაქოქვისას ცოტა მიწოლა სჭირდება.

"ნაციონალები" - ღვედები არიან. არ გსიამოვნებს შეკვრა, მაგრამ რომ არ შეიკრა, დაგაჯარიმებენ.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით
 როგორ აფასებთ ნათია თურნავას დანიშვნას ეკონომიკისა და მდგრადი განვითარების მინისტრის პოსტზე?
თქვენი აზრი მნიშვნელოვანია!
როგორ აფასებთ ნათია თურნავას დანიშვნას ეკონომიკისა და მდგრადი განვითარების მინისტრის პოსტზე?
თვის კითხვადი სტატიები