ვალის გადახდა ურანით
30-12-2013
ვალის გადახდა ურანით
ეს კურიოზი ერთმა ჩემმა ნაცნობმა მიამბო:
შევარდნაძის მმართველობის დროს სვანეთში თურმე რუსების დატოვებული რადიაციული ნარჩენები იყო, რომელთაც არავინ ეძებდა და მით უმეტეს - არავის გაჰქონდა. სწორედ ამ პერიოდში ერთ-ერთმა იქაურმა გლეხმა ვამეხმა შემთხვევით ურანი იპოვა. კარგი ქვა ჩანს, ხანჯლებს ავლესავო, გაიფიქრა და სახლში წამოიღო. მეორე დილით აღმოაჩინა, რომ იმ ადგილას, სადაც ურანი დააგდო, თოვლი გამდნარიყო და ბალახიც ამოსულიყო.

გლეხს ძალიან გაუხარდა და სასწრაფოდ ძროხა მოიყვანა საბალახოდ. როცა მოსაღამოვდა, ვამეხმა სასწაულმოქმედი
ქვა სახლში შეიტანა. იქ უფრო უცნაური რამ მოხდა, - ქვამ გაყინული სახლი გაათბო. ვამეხმა ღმერთს მადლობა შესწირა, ურანი ლოგინის ქვეშ ამოიდო და თბილად დაიძინა. ასე გრძელდებოდა მთელი ზამთარი. დღისით გაიტანდა ვამეხი ქვას გარეთ და ძროხას აბალახებდა, საღამოს კი ლოგინქვეშ იდებდა და თბილად ეძინა. ერთ დღესაც
ვამეხს ძველმა მევალემ მოაკითხა და ფული მოსთხოვა. ვამეხს ფული არ ჰქონდა და იძულებული იყო, მევალისათვის თავისი სასწაულმოქმედი ქვა შეეთავაზებინა. მევალემ ერთი პირობა ეჭვით შეხედა ქვას, მაგრამ როცა ურანმა მის თვალწინ თოვლი გაადნო და ბალახი ამოიყვანა, სიამოვნებით მიიღო ვალის სანაცვლოდ.

ამ ამბავმა თბილისშიც ჩამოაღწია, სადაც საგანგებო კომისია შეიქმნა, რომელსაც ნარჩენებისგან უნდა გაეწმინდა სვანეთი. თუმცა სვანები კარგა ხანს არ აძლევდნენ თბილისელ სტუმრებს სასწაულმოქმედ ქვას და თან გაიძახოდნენ, არავითარი ზიანი ამ ქვას ჩვენი ჯანმრთელობისთვის არ მოუყენებიაო. განსაკუთრებით 70 წელს მიღწეული ვამეხი აქტიურობდა: ამ ქვას ჩემთვის არაფერი უვნია, ეგაა მხოლოდ, ადრე სამ დღეში მინდებოდა ქალი, ახლა კი ათი დღე მჭირდებაო.

ვახტანგ თავაძე, თბილისი

jemaliusi
24 თებერვალი 2016 07:41
jadosani iyo uechveli
...
23 თებერვალი 2016 16:45
თუ გნებავთ სინამდვილეს მე მოგიყვებით. სოფელ ჭუბერიდან მგზავრობისას მძროლი და ერთ-ერთი მგზავრი გადმოვიდნენ ავტობუსიდან ...... მათ შენისნეს, რომ ერთი ქვა სითბოს გამოსცემდა.იქვე რამდენიმე ნახეს იგივე სითბოს გამომცემი. ორივემ აირეს და სახლებში წაირეს. მძღოლი იყო ჭუბერელი, მგზავრი კი ხაიშელი. ჭუბერელს კარგად ვიცნობ. ჭუბერელმა საწოლის ქვეშ დადო და მთელი ზამთარი იმით თბებოდა. ხაიშელმა კი უფრო ორიგინალური მოიფიქრა და წყლის ბოილეში ჩადო და წყალიც ადუღდა. მთელი ზამთარი იმ წყლით ბანაობდა ოჯახი.ხაისელს მიადგა ზუსტად ის მოვალე, ის იყო მეგრელი, ხაიშელმა ფულის მაგივრად მოთუხტუხე ბოილერი აჩვენა და მეგრელმაც დიდი სიამოვნებით აიღო ფულის მაგივრად ის ,,ქვა" ეს ამბავი სატანადო სამსახურებმა გაიგეს და მეცნიერების ჯგუფი ჩავიდა ადგილზე, ტუმცა წუბერელმა სიფრთხილის გამო უარყო, ხოლო ხაიშელმა აღიარა. გამოიკვლიეს ჭუბერელისა და ხაიშელის ჯამრთელობა და ისინი სრულიად ჯამრთელები აღმოჩნდნენ.ჭუბერელი დღესაც ჯამრთელადაა და ისევ ავტობუსს დაატარებს. ხაიშელზე ნამდვილად არაფერი არ ვიცი. თითქოს და მისტიკაა, მაგრამ ფაქტია და ვერსად ვერ გაექცევი
ნოდარი
04 ივნისი 2015 00:07
ეს არც სისულელეა და არც მოგონილი ამბავი, რეალურად აი რა მოხდა: კომუნისტების დროს როცა არ არსებობდა ეგრეთ წოდებული GPS თვითმფრინავის რომ დაეფიქსირებინა თავისი მდებარეობა დედამიწის მიმართ იყენებდა რადიო მაიაკს ყველა მაიაკს თავისი განსაზღვრული სიგნალი ქონდა რადიო გადამცემს დენის წყარო სჭირდება სწორედ ეს მინი ელექტრო სადგური აღმოაჩინეს სვნმა მონადირეებმა რომელიც საკმაოდ თბილი იყო ზურგჩანთაში ცადეს და სახლში წამოიღეს რა თქმა უნდა ძლიერი რადიაციული დასხივება მიიღეს. ძროხა და ბალახი მხატვრული გაფორმებაა აღნიშნული ამბის რომელიც არც თუ სასაცილოდ დამთავრდა.

რედაქტორის რჩევით