ნაციონალების ჩხუბი - კვირის პალიტრა

ნაციონალების ჩხუბი

ამას წინათ ორი ნაციონალის ჩხუბს შევესწარი. მიზეზი ვერ გავარკვიე და არც ჩავრეულვარ, რადგან ძალიან საინტერესოდ ჩხუბობდნენ:

- შენ ვის ეუბნები მაგას? ნერვები არ მომიშალო, თორემ ხომ იცი, რამდენი შადრევანი გავაკეთეთ, ერთ-ერთში ჩაგახრჩობ!

- ძალაზე თუ მიდგება საქმე, ისე მოგაწყობ, ასი საავადმყოფოდან არც ერთი არ მიგიღებს!

- ვანო ნუ მომიკვდება, ახლა არ გამაგიჟო, თორემ მიგიასფალტებ სახეს!

- რამდენჯერ გითხრეს, ვანოს ნუ იფიცებო...

- გაჩერდი თორემ, ჩამოგშლი!

- ჩამომშლი და რომ დაგარტყამ, გისვრი ოპოზიციაში.

- მე კი ისე გისვრი ოპოზიციაში, დარჩები იქ.

- მოქალაქეთა კავშირის სულს გეფიცები, რუსეთის აგენტობა თუ არ აგკიდო.

- ვის აკიდებ, ბიჭო! წამო, დავჯდეთ პირდაპირ ეთერში!

- ვის აშინებ პირდაპირი ეთერით, შე სიის თვრამეტიანო!

- ეს უკვე მეტისმეტია, ავიდეთ მიშასთან და მაგ სიტყვებისთვის ნახე, რა გიქნას.

- მერე რა, ძმაო, მიშას ხელი ტკბილიაო, არ გაგიგია?!