გიგი ბიძია
- ბიძია, ალასანიას შემოვხაზავ და შევცვლით ყველაფერს, გეხვეწები, რა?!
- შეგცვლი მე შენ კარგად, სახლში დაეტიე თუ არა. ნათურა არ გამოგიცვლია სახლში და რაის შემცვლელი ხარ.
- კარგი, ბიძია, მაშინ მოვდივარ საქმით, გპირდები საქმეს!
- მასე იძახი 6 წელია და შენი გაკეთებული მე არ მინახავს არაფერი, გაეთრიე ახლავე აქედან!
- ბიძია, ცოდვა არა ვარ, ასეთი სახლიდან გამაქციო, წავალ რა, თოფაძეს შემოვხაზავ.
- მამიჩემის მამასთან წასულხარ!
- ეგრე ხო, ბრძოლა გინდა ხო, მიიღებ ბრძოლას დღესვე, წავედი მე, ძიძიგური შემოვხაზე.
- შვილო, მოდი, ნუ ვიჩხუბებთ, დარჩი ჩემთან და ნათლიაშენთან წაგიყვან საქეიფოდ.
- ეგ კაცი არ ვიცი მე ვინაა, წავედი ახლა, ლაღიძე უნდა შემოვხაზო.
- ისე გიქნია, იაკობიძე შემოგიხაზავს, მაგრამ, მაგას ივანიშვილი შემოხაზო არ ჯობია? მაგის არ მეშინია.
- ეს ის ივანიშვილი არაა, ბიძაჩემო, შენ რომ გგონია.
- ააა, მაშინ დარჩი სახლში, შვილო!
- კარგი, ბიძია, კარგი, - გულდაწყვეტილმა ჩაილაპარაკა მოზარდმა და თვალცრემლიანი დაშორდა ბიძას, მერობის კანდიდატ გიგი უგულავას.