"სად მაგზავნი, ექიმო?"
ექიმის პროფესია ყველაზე საპასუხისმგებლო და რთულია, მათ ყოველდღიურად უამრავ ადამიანთან უწევთ ურთიერთობა და ხშირად, უცნაურ ამბებს აწყდებიან. უროლოგ ვალერი (ვატო) დოლიძეს ვთხოვე, პაციენტებთან დაკავშირებული სახალისო ამბები გაეხსენებინა. სპეციალობიდან გამომდინარე, მოსაყოლი და გასახსენებელი ბევრი აქვს.
ენაკვიმატი აღმოჩნდა ექიმი, რომელიც 3 წელია, კლინიკაში უროლოგად მუშაობს. ამბობს, - არ მქონდა დაგეგმილი უროლოგიაში წამოსვლა, მაგრამ დღეს კმაყოფილი ვარ ჩემი არჩევანით. მომწონს ჩემი პროფესიაო. სტუდენტობის წლებში, იგი გურიაში, "სასწრაფოშიც" მუშაობდა და საუბარი გურული ამბების მოყოლით დაიწყო.
"სად მაგზავნი, ექიმო?"
- ერთი გურული პაციენტი გვყავდა. გავუკეთეთ ოპერაცია და შემყავს ექოსკოპისტთან. ცოტა ემოციური ადამიანია. დალი ექიმი ეუბნება: არაფერი საგანგაშო არ გაქვთ, ყველაფერი კარგად მიდის. თამამად შეგიძლიათ წახვიდეთ და ცოლს მოუყვეთ ეს ამბები, მას ეჭუკჭუკოთო. პაციენტმა შეხედა ექოსკოპისტს, - რას ამბობთ, ექიმო, სად მაგზავნით? ცოლთან ჯერ რომ არ მინდა წასვლა, იმიტომ გავიკეთე ოპერაცია, თქვენ კი მასთან საუბარს მთავაზობთო?..
თურმე, მეუღლე გარდაცვლილი ჰყავს. (იხილეთ სრულად)