"ცუდი გაბრაზება ვიცი"
მამაკაცი სირბილით შევარდა საავადმყოფოს მისაღებში.
- მიშველეთ, ვირთხამ მიკბინა...
პერსონალი ხუმრობის ხასიათზე იყო.
- როგორ გიკბინათ?
- ავტოფარეხს ვალაგებდი. კუთხეში მკვდარი ვირთხა ეგდო. ხელი მოვკიდე, რომ გადამეგდო, მეცა და თითში კბილები ჩამასო.
- იმ ვირთხის თავი უნდა მოგვიტანოთ, - უთხრა ექიმმა.
- რად გინდათ? - გაოცდა კაცი.
- ხომ უდა ვნახოთ, როგორმა ვირთხამ გიკბინათ?
- მეხუმრებით? ძალიან გაბრაზებული ვარ და თქვენ კიდევ მაბრაზებთ, - თვალები დაატრიალა პაციენტმა.
- არა, არ გეხუმრებით, - უპასუხა შეშინებულმა ექიმმა.
- ჩემ შემთხვევაში არც ხუმრობა გამოგივათ და ვერც ვირთხის თავის მოტანას შევძლებ.
- რატომ?
- იმიტომ, რომ ის ვირთხა თითში რომ მწვდა, ჯერ მიწაზე დავანარცხე, მერე ჩაქუჩით თავი გავუჭეჭყე, ბენზინი დავასხი და დავწვი... ცუდი გაბრაზება ვიცი, როცა გაბრაზებული ვარ, ჩემთან ხუმრობა არ შეიძლება...