რითი სჯობს ქართული ავტომატი ამერიკულს...
18-03-2013
რითი სჯობს ქართული ავტომატი ამერიკულს...
ქართული G5 - სიზუსტე M4-ის, საიმედოობა AKM-ის...

დღეისათვის ქართული არმიის საბრძოლო დანაყოფები ძირითადად ამერიკული ფირმა "ბუშმასტერის" წარმოებული M4-ის ტიპის ავტომატური საიერიშო კარაბინებით არიან აღჭურვილი, თუმცა არმიის შეიარაღებაში რჩება საბჭოთა წარმოების "კალაშნიკოვებიც".

"კალაშნიკოვი" განთქმულია თავისი საიმედოობით, მაგრამ სროლის სიზუსტეში მოიკოჭლებს (თუმცა კარგი მსროლელისთვის დამიზნება ძნელი არ უნდა იყოს); ამერიკული  M4 სროლის სიზუსტით გამოირჩევა, სამაგიეროდ, მის საიმედოობასთან დაკავშირებით ჩნდება ბევრი კითხვა.

M4-ის, ისევე, როგორც მისი წინამორბედის, ავტომატური საიერიშო შაშხანა M16-ის აქილევსის ქუსლად
მიჩნეულია აირგადამტანი მილაკი, რომლის საშუალებითაც გასროლის შემდეგ აირის ნაკადი უშუალოდ საკეტისკენ მიემართება და გადატენის ოპერაციას ახორციელებს. ეს მილაკი ინტენსიური სროლის დროს ნამწვით იბინდება და აირის გატარებას უშლის ხელს, რაც აფერხებს გადატენის ოპერაციის სრულფასოვნად განხორციელებას.

M4-ის ეს "საფირმო ავადმყოფობა" არა მარტო ქართველი სამხედროების, არამედ მსოფლიოს ყველა
იმ ქვეყნის არმიისთვისაა ცნობილი, რომლებსაც ეს ავტომატური იარაღი აქვთ.

რამდენიმე წლის წინ ცნობილმა გერმანულმა იარაღის ფირმა "ჰეკლერ კოჰმა" ამერიკელებს შესთავაზა HK416-ის ტიპის ავტომატური საიერიშო შაშხანა, რომელიც თითქმის M4-ის იდენტური გახლდათ, მხოლოდ ერთი დეტალი იყო განსხვავებული - გერმანელებმა აირგადამტანი მილაკის ნაცვლად მას G36 ტიპის ავტომატიდან აღებული მცირე მანძილზე მოძრავი აირდგუში დაუყენეს, რამაც აღმოფხვრა M4-ის მთავარი პრობლემა.

საქართველოში წარმოებული და ამჟამად საგამოცდოდ მომზადებული ქართული ავტომატი G5, ფაქტობრივად, გერმანული  HK416-ის კლონია და უფრო საიმედო ავტომატიკა აქვს, ვიდრე ამერიკულ M4-ს.

ამ სტატიის ავტორს მიეცა საშუალება, თავად გამოეცადა ეს იარაღი. ავტომატი სროლისას  M4-ის იდენტურია, მთავარ განსხვავებას - სროლის დროს საიმედოობას - კი ის ქართველი სამხედროები შეიგრძნობენ, ვისაც ბრძოლის დროს ინტენსიური სროლა მოუწევთ.

G5-ს (სხვათა შორის, მას თავიდან G13 ერქვა, მაგრამ წინა ხელისუფლების დროს, ალბათ, გასაგები მიზეზების გამო, მას სახელი სწორედ ასე შეუცვალეს) ქართული იმიტომ შეიძლება დავარქვათ, რომ მასში გამოყენებული თითქმის ყველა დეტალი და, რაც მთავარია, ლულა, საქართველოშია დამზადებული, რაშიც ქართულ მხარეს ერთ-ერთი ქვეყნის იარაღის მწარმოებელი ფირმა დაეხმარა.
ადრე თუ გვიან ქართული არმია ერთ საშტატო ვაზნასა და ავტომატურ ცეცხლსასროლ იარაღზე უნდა გადავიდეს, რაც გააადვილებს ლოგისტიკურ მომსახურებასაც. ამ მხრივ G5-ის მომავალი ძალზე პერსპექტიულია და არა მარტო ქართული არმიის შესაიარაღებლად.
Battlefield
23 ივლისი 2015 21:47
აბა, აბა! ნაღდ ქართულ ავტომატს თუ შევქმნით, ალბად შორეულ მომავალში, მაგრამ თუ ჩვენ ქართულ სიზარმაცეს დავუმატებთ, ეგეც გამიკვირდება. - ნორმალური მთავრობა კი იოცნებეთ! :D ამ გარე ფაქტორებმა ხომ სულ დააქცია ეს საქართველო! :დ ისე გინდაც ეს ar(g5) საქართველოში სერიულად გამოუშვან, აქვე დამზადებული დეტალებით, როგორც სტატიაშია ნათქვამი, ისეთი სიძვირეა დღეს-დღეობით, რომ ვფიქრობ, უხარისხო ავტომატებს გამოუშვებენ, როგორც ჩინეთში АК სისტემის ავტომატებს. შუა აზიის ქვეყანა arx160_ს იძენს, "მეგობარი" სომხეთი HK416_ს, ჩვენ კი g5_ს ვაწყობთ. :) ისე ქვემოთ რომ ახსენეს, hk416 პროექტმა ჩაილურის წყალი დალიაო და ბევრი დეფექტი აღმოაჩნდა, ყველა ძალოვანმა სტრუქტურამ უკან დააბრუნაო... საინტერესოა, აბა რა ეჭირათ ხელში ამერიკელ ზღვის ლომებს? თანაც ეგ სისტემა დელტა რაზმის ოპერატორების პირად შეიარაღებაში შედის, და თანაც მოდულურია. ამასთანავე, მისი თანამედროვე ვერსია hk416a5 შედის მომავლის პროექტ Future warrior, Future soldier. და გერმანიისა და აშშ ქვეითი ჯარისკაცის შეიარაღებაში იქნება. თან სტონერის სისტემა კარგად მომზადებულ, დისციპლინირებულ ჯარისკაცებზეა გათვლილი და როგორც ქვემოთ ახსენეს, უმეტესობა მითები M16_ე არარეალურია, თუმცა ზოგ ექსტრემალურ პირობებში საიმედოობა მართლაც დაბალ დონეზე აქვს. რაც 2005-2006 აშშ_ის ჩატარებული ცდებითაც დამტკიცდა. ყველაზე ცუდად უდაბნოს მტვრიან გარემოში თავი M4_მ იჩინა, კარგად კი HK416 და XM8. სამწუხაროა რომ xm8_ის პროექტი 2006 შეწყდა. და ბოლოს, არ გვერჩივნა hk416 კლონის შექმნას, SIG550 შემოგვეტანა და მისი კლონები გაგვეკეთებინა? ალბად უფრო იაფი დაგვიჯდებოდა. მაინც შვეიცარიული იარაღია, ზუსტიც და საიმედოც.
goreli
02 მაისი 2013 18:45
აბა ეხლა მანდ სტოოოპ. დამზადდა არა ლეღვი. რით ვერ გადავეჩვიეთ ამ მიბრალებას? რაის ავტომატი გამოვიგონეთ, რაის ლაზიკა რაის დიდგორი? დადეთ აბა მაგ ყველაფრის ნახაზები და დაგუგლეთ. მიხვდებით რომ ლაზიკა და დიდგორი კი არ გამოვიგონნეთ სხვა ქვეყნიდან ვიყიდეთ და ნაწილ-ნაწილ შემოვიტანეთ და აქ აიწყო. გამომგონებლების რა გითხრათ მაგრამ სვარჩიკები (შემდუღებლები) კარგები გვყავს. ან რა ჯი-5 ? გერმანული იარაღია და სოშკები აქვს დაყენებული ვიდის შესაცვლელად.
კარგით რა კარგით!!!

აღარ არის მიშას გავლენა სახელმწიფოში, ახლა მაინც ავხადოთ ფარდა ყველაფერს და ხალხამდე სიმართლე მივიტანოთ.
ისე ირაკლი ბატონო, თუ მართლა ექსპერტი ხართ, მაშინ არ უნდა გვატყუებდეთ. სტატია დათარიღებული რომ იყოს 2012 წლის სექტემბრამდე, მაშინ ჰო. მაგრამ 2013 წელს თუ წერთ სტატიას, მეტი კორექტულობა გმართებთ.
muradi
29 აპრილი 2013 15:17
m4gvaklia armiashi da morha shemdeg yvelaferi.nu vart bogmianebi qartvelebi da iarags rusebis sizulviltan nu vaigivebt. kalashnikovs zalian bevri seria aqvs gamoshvebuli.ak47,ak74 cota zveli seria magram uzlieresi tavis efeqtianobit.qartuli avtomati ki iqneba rogorc ruminuli ak74ia sami mjidis daclis mere lula witldeba.

რედაქტორის რჩევით