რუსული "ისკანდერები" უკვე ოკუპირებულ ცხინვალთან
21-12-2015
რუსული "ისკანდერები" უკვე ოკუპირებულ ცხინვალთან
500 კმ-ზე მფრენი რუსული რაკეტებისთვის სამიზნეები საქართველოზე მეტად თურქეთში მოიძებნება

"ცივი ომის" დროს NATO-ს წევრი თურქეთი საბჭოთა კავშირის მთავარ მოწინააღმდეგედ განიხილებოდა. სამხრეთ მიმართულებასა და მის სტრატეგიულ ობიექტებზე არაერთი ბირთვულქობინიანი ბალისტიკური რაკეტა იყო დამიზნებული, მათ შორის გასაბჭოებული საქართველოს ტერიტორიიდანაც (სხვათა შორის, საქართველოს დღევანდელი მთავრობის ერთ-ერთი მინისტრი იმ დროს როგორც ოფიცერ-მერაკეტე პასუხისმგებელი იყო შაუმიანიდან გაშვებული "სკადის" რაკეტების ზუსტ მორტყმაზე თურქეთის ქ. ვანის რაიონში არსებულ ელექტროსადგურზე).

ამის გახსენება იმიტომ დაგვჭირდა, რომ რუსეთმა ოკუპირებულ
ცხინვალის რეგიონში თანამედროვე ოპერატიულ-ტაქტიკური დანიშნულების სარა­კეტო სისტემა Искандер-М-ი­ გადმოისროლა.

"ამერიკის ხმის" მტკიცებით, "ისკანდერის" სისტემა ჯავის რაიონის სოფელ რაროსთან არის განთავსებული, თუმცა მისი ოპერატიულად გადაადგილება მთელი ოკუპირებული ცხინვალის რეგიონის ტერიტორიაზე დიდ პრობლემას არ წარმოადგენს. პრინციპში, ეს მოსკოვს ნაკლებად
დასჭირდება, რადგან "ისკანდერის" რაკეტები არანაკლებ 500 კმ-მდე მიფრინავენ და ოკუპირებული ჯავის რაიონიდანაც მისწვდებიან ჩრდილოატლანტიკური ალიანსის წევრი თურქეთის ჩრდილო-აღმოსავლეთ ნაწილს.
ის, რომ ოკუპირებული ცხინ­ვალის რეგიონიდან რუსული "ისკანდერების" მთავარ სამიზნეს სწორედ თურქეთის სტრატეგიული ობიექტები წარმოადგენენ, ეჭვს არ იწვევს, რადგან ქართული სამიზნეების სარაკეტო დარტყმა მოსკოვს ჩრდილო კავკასიიდანაც თავისუფლად შეუძლია, რაც კიდევაც დაამტკიცა 2008 წლის აგვისტოს ომის დროს. მაშინ ჩრდილო კავკასიიდან ჩვენი მიმართულებით ოცზე მეტი ოპერატიულ-ტაქტიკური რაკეტა გვესროლეს, მათ შორის ორი "ისკანდერიც", ოღონდ საექსპორტო ვარიანტები, რომელთა მოქმედების რადიუსი მხოლოდ 280 კმ იყო (როგორც ირკვევა, ამ ორი რაკეტის სტარტს იმ არაბული ქვეყნის გენერლებიც დაასწრეს, რომელიც "ისკანდერების" შეძენას გეგმავდა).

"კვირის პალი­ტრაში" ჯერ კიდევ აგვისტოს ომის­ შემდეგ გამოვთქვამდით ვარაუდს, რომ­ ცხინვალის რეგიონისა და განსაკუთრებით აფხაზეთის ოკუპირება კრემლს იმიტომაც სურდა, რომ იქ შეექმნა სარაკეტო პლაცდარმები არა იმდენად­ საქართველოს, არამედ ჩრდი­ლო­ატ­ლანტიკური ალი­ანსის სამხრეთ-აღმოსავლეთ ფლან­გის, ასევე შავი ზღვის სამხრეთ აკვატორიის სამიზნეში ამოსაღებად, მით უმეტეს, რომ მაშინ მოსკოვს ყირიმის ნახევარკუნძული ჯერ არ ჰქონდა ოკუპირებული.

საქართველოს ოკუპირებული ტერიტორიებიდან, განსაკუთრებით კი გალის რაიონიდან, კრემლს ბირთვულქობინიანი "ისკანდერებით" შეუძლია შექმნას მოკლე "ბირთვული ხელკეტი", რომელიც უპირველესად სწორედ ჩრდილოატლანტიკური ალიანსის აღმოსავლეთით გაფართოების პერსპექტივას დაემუქრება.
რომა
16 იანვარი 2016 11:44
ვაჟა-17,

აი შენნაირები რო გადაშენდებიან ამ ქვეყნიდან უკლებლივ ყველა,
მაშინ შეიძლება გვეშველოს მარტო..
სამწუხაროა მაგრამ ბევრი ხართ ეგრე მოაზროვნეები, რუსული პროპაგანდით გაჟღენთილები და "ერთმორწმუნეობის" შემყურეები..
სასაცილო იქნებოდა სატირალი რო არ იყოს..

ნუ სადაც მოსემ 40 წელი უდაბნოში ატარა ებრაელები, რომ ახალი, თავისუფალი თაობა აღზრდილიყო... იგივეა ზუსტად რა..


ეგ რუსეთი ეხლა დეფოლტს რომ გამოაცხადებს მალე, მერე ნახე შენ :))
ვაჟა17
30 დეკემბერი 2015 18:06
ვაჟა17-ს -ს

მაშ შენი მომავალი ევროპაა?
კარგად აღარ მახსოვს, ეგ ევროპა რომელია, კაცი კაცზე რო თხოვდება და ქალი ქალზე ქორწინდება? 1200 საქმე რომაა აღძრული კათოლიკე მღვდლების პედოფილიაზე? როგორაა უფრო სწორი გამოთქმა: ევროპა თუ გეიროპა? ოოო, შენ მაგარი მომავალი გეჭყანება თურმე, შვილო, მაგრად დაიჭი, არსად დაგეკარგოს!

ვაჟა17-ს
30 დეკემბერი 2015 01:46
შენ მაგ იმედით იყავი. მაგრამ გეტყვი რომ მაგ დღეს შენ ვერასოდეს მოესწრები, იმიტომ რომ საქართველოს მომავალი მხოლოდ ევროპას უკავშირდება და არა შენს კორუფციაში ჩამყაყებულ პუტინის რუსეთს.

რედაქტორის რჩევით