თავდაცვის სამინისტრო თინა ხიდაშელის მიერ შეჩერებულ, სამხედრო სავალდებულო სამსახურში გაწვევას აღადგენს
07-11-2016
თავდაცვის სამინისტრო თინა ხიდაშელის მიერ შეჩერებულ, სამხედრო სავალდებულო სამსახურში გაწვევას აღადგენს
როგორც ცნობილია, საქართველოს თავდაცვის ყოფილი მინისტრის, თინა ხიდაშელის მიერ 27 ივნისს მიღებული გადაწყვეტილებით, თავდაცვის სამინისტრომ სავალდებულო სამხედრო სამსახურში გაწვევა შეაჩერა. იმ პერიოდში ამ გადაწყვეტილებას არაერთგვაროვანი შეფასება მოჰყვა. მთავრობის წევრები ხიდაშელის გადაწყვეტილებას არ იწონებდნენ და ვარაუდობდნენ, რომ შეიძლებოდა სამხედრო სავალდებულო სამსახურში გაწვევა ისევ აღდგენილიყო.

ვარაუდი გამართლდა. როგორც მედიასთან დღევანდელ შეხვედრაზე თავდაცვის მინისტრმა ლევან იზორიამ განაცხადა, უწყება სამხედრო სავალდებულო სამსახურში გაწვევას ისევ აღადგენს.

მიზანშეწონილად მიგვაჩნია სავალდებულო სამხედრო სამსახურის განახლებული ფორმით აღდგენა. კერძოდ,
წვევამდელები გაივლიან სრულფასოვან საწყის მომზადებას და ჩამოყალიბდებიან როგორც სრულყოფილი სამხედრო მოსამსახურეები. სავალდებულო სამხედრო სამსახურში წვევამდელების ანაზღაურება გაიზრდება 50 ლარამდე, ასევე მათ ექნებათ უქმე დღეებით სარგებლობის საშუალება
. განახლებული სავალდებულო-
სამხედრო სამსახური უზრუნველყოფს ხარჯების ეკონომიურობას, წვევამდელების სისტემით პროფესიული კომპონენტის მხარდაჭერას და მეტი პერსონალის მომზადებას, როგორც რეზერვისთვის, ისე საკონტრაქტო სამხედრო სამსახურისთვის. ამასთან, სავალდებულო სამხედრო სამსახური ხელს შეუწყობს ეთნიკური და რელიგიური უმცირესობების სამოქალაქო ინტეგრაციას“, - ნათქვამია ლევან იზორიას მიერ მინისტრის თანამდებობაზე გაწეული საქმიანობის ანგარიშში.

"ინტერპრესნიუსი"





berdia22
26 იანვარი 2017 00:49
თავდაცვის სამინისტრო და მისი მინისტრი რომ არაფრის მაქნისია ეს აშკარაა...მთავრობაში მხოლოდ არა პატრიოტები მოდიან და ამის მაგალითია ჩვენი მთავრობის წევრები და მისი მეთაური ბ-ნ ბიძინი...მე ერთი რამე ძალიან მიკვირს რატომ ერთ დღეს არ ავდგებით და არ მოვისვრით ამ მთავრობას იქ სადაც მათი ადგილია? რისი გვეშინია და რის ხარჯზე ვიტანთ ამდენ გაჭირვებას რა აუცილებლობაა ამის?
რატი
07 ნოემბერი 2016 15:45
ხო,ძალიან ცუდად არის ჩვენი საქმე,უმაქნისტი მთავრობა, უვარგისი ოპოზიცია
კლოს
07 ნოემბერი 2016 14:14
მეორე მხრივ ტინეიჯერებს,ტვინი უდუღთ უსაქმურობიდან.იქ პატარა თავს მაინც დაისაქნებენ,

რედაქტორის რჩევით