ქართული ნაღმსატყორცნები... ნატომ იყიდა
ქართული ნაღმსატყორცნები... ნატომ იყიდა
"დელტას" სამხედრო პროდუქცია ნატოს ერთ-ერთმა ყველაზე გავლენიანმა წევრმა ქვეყანამ შეიძინა

შარშან საქართველოში, კერძოდ, სახელმწიფო სამხედრო სამეცნიერო-ტექნიკურ ცენტრ "დელტაში" დამზადებული 120 მმ-იანი ბუქსირებადი ნაღმსატყორცნების პარტია ჩრდილოატლანტიკური ალიანსის ერთ-ერთმა მთავარმა წევრმა ქვეყანამ შეიძინა. ამ ძალზე მნიშვნელოვანი ფაქტის შესახებ ჩვენ შარშან ზაფხულშივე ვიცოდით და "კვირის პალიტრის" ერთგული მკითხველი, იმედია, გვაპატიებს, რომ ამის თაობაზე მხოლოდ რამდენიმე თვის შემდეგ ვწერთ. ეს არ იყო სამხედრო საიდუმლო, მაგრამ კომერციული საიდუმლოს დაცვის მიზნით (გარიგება სხვა ქვეყნების იარაღის ფირმებს
რომ არ ჩაეშალათ) აქამდე ამ ამბის გახმაურებისაგან თავი შევიკავე.

ნატოს წევრ ქვეყანას, რომელმაც "დელტასგან" რამდენიმე ათეული 120 მმ-იანი ნაღმსატყორცნი შეიძინა (გაყიდული ნაღმსატყორცნების რაოდენობას, ფასსა და მყიდველ ქვეყანას ჯერჯერობით ისევ არ გავ
ამხელთ), ისეთი სამხედრო-სამრეწველო კომპლექსი აქვს, ნაღმსატყორცნებს კი არა, კოსმოსურ ხომალდებს ამზადებს, მაგრამ ქართული წარმოების იარაღის ამ სახეობამ მაინც დააინტერესა.

ამ გარიგების მიზანი შეიძლება სხვაც იყოს, მაგალითად ის, რომ "დელტას" ნაღმსატყორცნებს გამოიყენებენ ისინი, ვისაც მანამდეც ჰქონია საქმე საბჭოთა სისტემის შეიარაღებასთან.
როგორც წესი, ნატოსა და საბჭოთა/რუსული შეიარაღების კალიბრი ერთმანეთს არ ემთხვევა, ანუ "შავი შაშხანით" "კალაშნიკოვის" ვაზნას ვერ გაისვრი და პირიქით. ასევეა საარტილერიო და სატანკო კალიბრებთან დაკავშირებითაც და მხოლოდ 120 მმ-იანი ნაღმსატყორცნებისთვისაა სულერთი, საბჭოთა წარმოების ნაღმს ჩაუშვებენ ლულაში თუ - ამერიკულს.

ეს გარემოება 120 მმ-იან ნაღმსატყორცნს თითქმის უნივერსალურ იარაღად აქცევს, რაც მის ერთ-ერთ მწარმოებელ ქართულ "დელტას" საერთაშორისო ბაზარზე ექსპორტის კარგ შანსს აძლევს.

არც ის უნდა დაგვავიწყდეს, რომ ქართულ 120 მმ-იან ნაღმსატყორცნებს მსოფლიოში ერთ-ერთი საუკეთესო საბურავებიც აქვს, თუმცა ეს თავისთავად გამოვიდა - "დელტა" "დიდგორებისა" და მის ბაზაზე შექმნილი "მედევაკების" დასამზადებლად "ფორდ 550"-ის პიკაპებს ყიდულობს და მათ ტყვიაგამძლე საბურავებს უყენებს, შესაბამისად, თითოეული "ფორდისგან" თავისუფლდება ექვსი მაღალ­ხარისხიანი საბურავი, რომლებიც სამ 120 მმ-იან, ბუქსირებად ნაღმსატყორცნს ჰყოფნის.

ნაღმსატყორცნების გაყიდული პარტია საფუძვლიანად შემოწმდა და წესით, თავი არ უნდა შეირცხვინოს, რადგან ნატოს ბლოკში "გაჭრილ" საექსპორტო გზას გაფართოება სჭირდება...
მკითხველის კომენტარი (11)
Truker
14 იანვარი 2019 05:44
რა თქმა უნდა ბლომად ნაღმი ექნეჰათ რუსული ან იაფად იყიდიან და მაგიტომაც შეიძინეს. სხვა რა უნდა იყოს. ეჭვი არ მეპარება უკვე ჟანგი ექნება მოდებული როგორც სხვა დელტას იარაღს
სოსო
13 იანვარი 2019 16:10
როგორც სტატიიდან ჩანს,ჩვენი ნაღმმტყორცნები უნივერსალური ყოფილა და ამან დააინტერესათ,საბჭოთა სტანდარტის ნაღმები ბლომად ექნებათ დარჩენილი ვარშავის ხელშეკრულების ყოფილ ქვეყნებს და მათ გადაყრას რას გამორჩებიან.მსოფლიოს მრავალ ქვეყანაშიც ასევე.ყველა შემთხვევაში სასიამოვნო ინფორმაციაა და ხელს შეუწყობს ქართული საინჟინრო პოტენციალის უკეთ ათვისებას,ჩვენც გამოგვადგება ეგ ნაღმმტყორცნები და შემოსავალსაც მოგვიტანს,საბურავების ამბავისა კი რა მოგახსენოთ.მაგ საბურავებს გაცვეთამდე ვინ მიუშვებს,ტყე ღრეში სიარულით,უცბად დაიგლიჯება.
...
13 იანვარი 2019 05:44
წარმატებები
...
13 იანვარი 2019 05:41
ჰოპ...!!! და ბუჩქებიდან გამოხტა გენიოსა! ...კიი, ნამდვილად სპეკულიანტ-გადამყიდველმა დაითრია "ტავარი" :-)))
წარმატებები! სხაც ბევრი გვეხეიროს!
გიორგი
12 იანვარი 2019 23:02
კარგი რა, 120 მმ ნაღმტყორცნი არის ე.წ. "ტრუბა" და "პლიტა". ვიეტნამის ომის დროს ბამბუკისაგან ამზადებდნენ ნაღმტყორცნებს. სამ გასროლას უძლებდა. ისე, "რაგატკის" დამზადებაც ვცადოთ. რაც დარჩენილია საბჭოთა დროის სნარიადები, იმათ ხომ უნდა გახარჯვა და ნატოს ახალი წევრები იყიდიან.
ირაკლი ალადაშვილი
12 იანვარი 2019 22:53
საინტერესო კომენტარებია,მაგრამ სამწუხაროდ, ჯერ მეტს ვერაფერს დავამატებ,მთავარია კიდევ გაყიდონ...

პატივისცემით,ირაკლი ალადაშვილი
გიორგი. გთხოვთ არ დამბლოკოთ.
12 იანვარი 2019 19:30
ქართველებისგან ნაყიდ ნაღმტყორცნებს, (ვითომ ნაყიდ ნაღმტყორცნებს, ჩამოწერილ ფორდებში იქნება გაცვლილი) დადგავენ ნატოს სახელით საქართველოში და აომებენ ქართველებს რუსების წინააღმდეგ. ბოღმა ხომ კარგად არის ჩანერგილი. ან, მართალი ბრძანა ბატონმა ირაკლიმ, შეტენიან აფრიკას და იქ აომებენ ჩვენისთანა სულელებს.
ირაკლი
12 იანვარი 2019 11:44
ნატოს წევრმა ქვეყანამ კი არ შეიძინა, ალბათ შეიძინა ნატოს წევრი ქვეყნაში რეგისტრირებულმა ფირმამ, რომელიც ამ პროდუქციას შემდგომ გაყიდის აფრიკაში ან სხვა ქვეყანაში. ნატოს არაერში არ ჭირდება ეს სტანდარტი. მასეთი შუამავალი ფირმები ევროპის ყველა ქვეყანაშია აუარებაა და დიდ ფულსაც აკეთებენ ამ შუამავლობით
ძია
12 იანვარი 2019 11:14
ალბათ საფრანგეთი იქნება :)
zura
11 იანვარი 2019 15:35
ამან იცოდა და სხვამ ვე გაიგო)))))

რუბრიკის სხვა სიახლეები
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები